07.04.26
"Bakı" klubunun yarımmüdafiəçisi Elvin Məmmədovun Qol.Az saytına müsahibəsi
- Bazar günü Unibank Premyer Liqasının 24-cü turu çərçivəsində “Xəzər Lənkəran”la qarşlaşacaqsınız. Bu oyunla bağlı fikirlərini öyrənək...
- Bəli, yaxşı başa düşürük ki, səfərdə onlarla görüş çox çətin olacaq. Bu komandaya qarşı oynamaq tək bizə deyil, bütün komandalar üçün çətin olur. Lakin Lənkəranda böyük azarkeş kütləsi önündə oynamaq istənilən futbolçuya zövq verir. Belə möhtəşəm azarkeşlər qarşısında çıxış edərəkən, adam özünü lap Avropadakı kimi hiss edir. İnşallah, səfərdən yaxşı nəticəylə qayıdarıq.
- Lənkəran səfərindən hansı nəticə ilə qayıdacağınıza ümid edirsən?
- Əlbəttə ki, qələbə qazanaraq 3 xalla qayıtsaq, bizim üçün əla bir nəticə olar. Ən əsası odur ki, komanda çətin səfər oyununda məğlub olmasın. Təbii ki, hər şeyə qarşılaşmanın sonunda aydınlıq gələcək.
- Belə başa düşdüm ki, sizi "Xəzər Lənkəran"la oyunda heç-heçə də qane edəcək...
- Bilirsiniz, gəlin hər şeyə real gözlə baxaq. Fikrimcə, “Xəzər Lənkəran” kimi komandayla oyundan bir xalla ayrılmaq, yaxşı nəticədir. Ancaq bu o demək deyil ki, biz səfərə yalnız bir xal üçün gedirik. Bir xal “Bakı” üçün ən pis halda yaxşı nəticədir.
- Yəqin, “Xəzər Lənkəran”nın baş məşqçi postuna Yunis Hüseynovun təyin olmasından xəbərdarsan. Bu amil “Bakı”nı narahat etmir ki?
- Əlbəttə ki, Yunis müəllimin özü və məşqçiliyi haqqında yalnız xoş sözlər söyləmək olar. Mən düşünürəm ki, Yunis Hüseynov Azərbaycanda özünü doğrultmuş, yaxşı məşqçilərdən biridir. Məncə, bazar günü “Xəzər Lənkəran” tam başqa cür çıxış edəcək. Yəni, bizim üçün çox çətin olacaq.
- Sabiq baş məşqçiniz Aleksandr Starkovun gedişindən sonra komandada irəliləyiş hiss olunur?
- Latviyalı məşqçi artıq bizimlə çalışmır. Starkovun gedişindən sonra onun arxasınca danışmaq kişiyə yaraşmaz. Ən azından məşqçi kimi Starkova hörmətim böyükdür. Onun postundan getməyə gəlincə isə bu rəhbərlik və Starkovun qərarı idi. Starkovun istefasından sonra komandanın vəziyyətini nə pis, nə də lap yaxşı adlandıra bilərəm. Sadəcə olaraq, ölkə kubokunun 1/4 final mərhələsi çərçivəsində AZAL üzərindəki qələbəmiz uşaqlarda özünəinamı daha da artırdı.
- Səncə, “Bakı”nın Avroliqaya vəsiqə qazanmaq şansı Unibank Premyer Liqasında, yoxsa ölkə kubokunda daha real görünür?
- Ən real variantı götürsək, kubokda daha şanslı olduğumuzu hesab edirəm. Lakin bu o demək deyil ki, çempionat qarşılaşmalarını ikinci plana atacağıq. İlk “altılıq”da da, hər oyunda meydana qələbə qazanmaq üçün çıxacağıq. Çətin olsa belə, Avroliqaya vəsiqəni kubokdan götürə bilərik.
Əli HƏYATİ
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
