19:10
Dünən premyer-liqa klublarının əvəzedici heyətləri arasında keçirilən ölkə çempionatında, eləcə də birinci divizionda növbəti turun oyunlarını idarə edəcək hakimlərin adları açıqlanıb. Hər zaman əvəzedici heyətlərlə, birinci divizion oyunlarına təyinatlar bilinərkən, premyer-liqanın əsas komandaları arasında keçirilən oyunları da idarə edəcək hakimlərin də adları açıqlanırdı. Lakin maraqlıdır ki, bu dəfə eyni hal təkrarlanmayıb. AFFA-nın Hakimlər Komitəsinin sədri Xaqani Məmmədov Qol.Az-ın müxbiriylə söhbətində bildirib ki, bu, səbəbsiz deyil: “Biz özümüz qəsdən premyer-liqanın XXII turunun oyunlarını idarə edəcək hakimlərin adlarını açıqlamamışıq. Çünki hakimlərin adlarını oyunlara bir neçə gün qalmış açıqlayarkən, bu zaman hakimlərə çoxlu zənglər gəlir. Onları narahat edirlər. Zənglər gizli nömrələrdən gəldiyindən həmin adamların kimliklərini dəqiq deyə bilmərəm. Bəlkə də həmin insanlar klubların ətrafında olan adamlardır. Çempionatın sonu yaxınlaşdığından, qarşıda bizi gərgin oyunlar gözləyir. Bunu nəzərə alaraq, belə addım atmışıq. İstəmirik ki, hakimləri narahat etsinlər. Heç hakimlər özləri də bilmirlər ki, kim hansı oyunu idarə edəcək. Ola bilər ki, təyinatları oyunlara 1 gün qalmış və ya elə oyun günləri açıqlayaq. Bu da daha çox oyunun keçiriləcəyi məkandan asılıdır. Bölgələrdə keçiriləcək oyunları idarə edəcək hakimlər qarşılaşmadan 1 gün əvvəl təyinatlarını alacaqlar. Bakıda keçiriləcək oyunları idarə edəcək referilərin adlarını isə yəqin ki, elə oyun günü, qarşılaşmanın başlanmasına 1 neçə saat qalmış açıqlayacağıq”.
Postekoqlu od püskürdü
"Neftçi"ni dirildən adam
Bu klublar 30 yaşdan yuxarı futbolçulara şans verməyib
Baş məşqçi intizam cəzası ilə üzləşə bilər
Portuqaliya millisindən iddialı hədəf
İngiltərədə böyüyən futbolçu niyə Nigeriya millisini seçib?
Baş məşqçiyə ultimatum: Ya kubok, ya istefa!
Kukurella ağır zədələndi
"Əl-Nəsr" Ronaldosuz qələbə qazandı
Azarkeşlər baş hakimin fitini oğurladı, klub cəzalandırıldı
"Everton" "Mançester Siti"dən 2 futbolçu transfer edə bilər
"Real" və UEFA razılığa gəldi
"Məqsədimiz avrokuboklara vəsiqə qazanmaqdır" - Edvin Kuç
"Barselona" yarımfinal matçına ciddi itki ilə çıxacaq
Baş məşqçidən etiraz: "Həmin qol ləğv olunmalıdır"
Millimizin üzvləri məktəblilərlə görüşdü - Şəkillər
Nərimandan “Qarabağ”a vida
"Nyukasl"dan Şəhidlər Xiyabanı və orucluqla bağlı - Müraciət
"Tottenhem" Tomas Frankı istefaya göndərdi
Azərbaycanı Sloveniyada təmsil edəcək cüdoçular
Macəra dolu Amerika.. - Tanış olun, Nərimanın yeni klubu!
