02.11.24
“Karvan” klubunun sabiq baş məşqçisi Yunis Hüseynov Azərbaycan millisinin Dubayda keçirdiyi təlim-məşq toplanışıyla bağlı Qol.Az saytının suallarını cavablandırıb.
- Dubay toplanışı milli komandamıza nə qazandırdı?
- Orada keçirdiyimiz üç yoxlama oyunu bizə heç nə vermədi. O cür səviyyəsi aşağı olan komandalarla görüş keçirməkdənsə, 1-2 ortabab yığmayla oynamaq daha sərfəli olardı. Bu, mənasız bir toplanış idi, bizim futbolçular havayı yerə əziyyət çəkdilər.
- Azərbaycan yığmasının Fələstinə biabırçı məğlubiyyəti haqda nə deyə bilərsiniz?
- Mən öncədən demişdim ki, üç oyuna futbolçularımız xeyli qol vurmaqla özünəinamı, ruh yüksəkliyini bir az artırarlar. Amma əksinə, Fələstin bizə yaxşı dərs verdi.
- Sizcə, məğlubiyyətə nə səbəb oldu?
- Nəyə görə uduzduqlarını deyə bilmərəm. Bəlkə də meydana bir az arxayın çıxmışdılar. Əsl səbəblərini daha yaxşı özləri deyə bilər. Mən onların yanında olmamışam ki, nəyə görə uduzduqlarından xəbərim olsun. Fələstinə uduzacağımızı heç ağlıma da gətirmirdim. Mən demişdim ki, Sinqapur və Hindistanın qapısından 4-5 top keçirərik.
- Dubay toplantısını millimiz üçün biabırçılıq hesab etmək olar?
- Ümumiyyətlə, bu toplanışın nə məqsədlə təşkil olunduğu mənə çatmadı. Ölkə çempionatının gərgin bir vaxtında futbolçuları götürüb apardılar Dubaya ki, yoldaşlıq görüşü keçirəcəyik. Yoldaşlıq görüşləri güclü rəqiblərlə olsaydı, şəxsən mən razı qalardım. Çünki ən azı futbolçularımız yaxşı təcrübə toplayardılar. Fələstin, Sinqapur, Hindistan kimi yığmalarla nə təcrübə toplayacaqlar ki? Əksinə, onlar bizimlə oyunda nəsə qazandılar.
- Yığmamızın yoldaşlıq görüşündə məğlubiyyəti Azərbaycanda çox narazılıqla qarşılandı. Sizcə, bu cür uğursuzluların təkrarlanmaması üçün nə etmək lazımdır?
- Mən onların işlərinə qarışmıram. Heç fikir də bildirmək istəmirəm ki, neyləmək lazımdır. Nə etmək lazım olduğunu özləri daha yaxşı bilərlər.
- Millinin bəzi oyunçuları spirtli içki içərkən və siqaret çəkərkən yaxalanıb. Buna münasibətiniz?
- Mənim fikrimcə, onları həmin dəqiqə, fikirləşmədən millidən qovmaq lazım idi. Başqa bir söz deyə bilmərəm.
- Baş məşqçi Berti Foqts isə əksinə, Fələstinlə oyunda onları meydana buraxdı.
- Siz fikrimi soruşdunuz, mən də cavab verdim. Həmin futbolçuları niyə meydana buraxmasının səbəbini baş məşqçidən soruşsanız, daha yaxşı olar.
- Sizcə, son hadisə milli komandada intizam qaydalarının lazimi səviyyədə olmadığını göstərmirmi?
- Komandanın daxilində deyiləm, ona görə də oradakı ab-havadan xəbərim yoxdur. Mən də eşitmişdim ki, Berti Foqts millidə yüksək nizam-intizam yaradıb. Lakin son hadisədən sonra bir az çaşqınlıq içindəyəm.
Əli HƏYATİ
_22.01.19.jpg)
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
Məşhur hücumçunun oğlu İngiltərə klubunda
Azərbaycan cüdoçularından 4 medal - Avropa kuboku
"Arsenal" Premyer Liqada qələbə sayında 2-ci oldu
U-18 Qəbələdə toplanır
İlk dəfə Sudamerikana kubokunu qazandılar
Gələn həftə Bakıya gələcək "Lion"dan heç-heçə
7:0 - Di Mariya 3, Kerem 1 qol vurdu
"Qalatasaray"ın səfər qələbəsi - Video
Qvardiola şokda: dalbadal 5 məğlubiyyət
“Qalatasaray”ın futbolçuları arasında gərginlik
8 qol və "Fənərbaxça"nın qələbəsi - Video
"Barselona" xal itirdi
"Milan" "Yuventus"la heç-heçə etdi, "İnter"dən 5 qol
"Qalatasaray" və "Fənərbaxça" səfərdə qalib gəldilər
"Borussiya" və "Bayer"dən inamlı qələbə
"Tottenhem" "Mançester Siti"ni darmadağın etdi
Rodri stadionda belə qarşılandı - Video
"Neftçi"nin "Zirə" üzərində qələbəsindən - Video
“Neftçi” “Zirə”yə qalib gəldi
Cavid Hüseynov: “Futbolçu kasadlığı yaşayırıq”
"Qarabağ"ın 3 qollu qələbəsindən - Video
