07.04.26
“Qarabağ” klubunun müdafiəçisi Maksim Medvedyevin Qol.Az saytına müsahibəsi
- “Bakı”la oyunda aldığın zədə səbəbindən ötən tur “Kəpəz”lə matçı buraxmalı oldun. Hazırda durumun necədir?
- Artıq bu gündən fərdi məşqlərə başlamışam. Zədə alan zaman çox qısa müddətli olacağını düşünürdüm. Lakin bir az ciddi zədə oldu. Yəni ayağım çox pis burxulmuşdu. Ancaq çətin günlərim artıq arxada qaldı. Düşünürəm ki, “Qarabağ”ın növbəti qarşılaşmasına qədər hazır olacağam.
- “Kəpəz”la oyunda sənin mövqeyində Eltun Yaqublu çıxış etdi. Bu futbolçunun oyunu sənə necə təsir bağışladı?
- “Qarabağ”da ilk rəsmi çıxışı olmasına baxmayaraq, yaxşı oynadı. Meydanda inamlı mübarizə aparması xoşuma gəldi. Bəzi xırda çatışmazlıqları olsa da, ümumilikdə razı qaldım. Elton gənc və istedadlı futbolçudur. Məncə, onun yaxşı gələcəyi var.
- “Qarabağ” qış fasiləsindən sonrakı çıxışları haqda nə deyərdin?
- Komandanın oyunu getdikcə daha da yaxşılaşır. Son görüşlərdə qazandığımız qələbələr də bundan xəbər verir. Gələcəkdə daha inamlı çıxış edəcəyimizi düşünürəm. İnşallah, turnir cədvəlinin yüksək pillələrinin birində qərarlaşaraq, Avroliqaya vəsiqə qazanarıq.
- Yeni transferiniz olan makedoniyalı Muarrem Muarrem haqda nə düşünürsən?
- Muarrem komandadakı ilk günlərin mənə yaxşı təsir bağışlamırdı. Məşqlərdə elə də seçilmirdi. Hərdən çox sayda top itkisinə yol veriridi. Lakin oyunda onun necə bir səviyyəli futbolçu olduğunun şahidi oldum.
- Berti Foqts səni yenə də millyə çağırmadı. Nə baş verir?
- Bu sualı ona ünvanlasanız, daha yaxşı olar. Gərək baş məşqçi məni yığmaya dəvət etsin ki, mən də toplanışa qatılım. Çağırmayıbsa, bu, onun öz işidir.
- Milliyə dəvət almamağın mətbuatda baş məşqçi barəsindəki tənqidi fikirlərlə bağlı ola bilıər?
- Mən onun ünvanına artıq söz işlətməmişəm. Sadəcə, öz fikirlərimi bildirmişəm və sözümün də arxasında dururam. Məni milliyə çağırmayıb ki, mətbuatda nəsə demişəm də. Lakin mən onu təhqir etməmişəm, tənqid etmişəm. Bu isə ona əsas vermir ki, məni Azərbaycan yığmasına çağırmasın. Belə götürəndə aramızda heç vaxt pis münasibət olmayıb.
Mən düşünürəm ki, millidə uzun müddət oynayan futbolçular əvəzlənməməlidir. Yoxsa görürsən ki, hər dəfə yeni futbolçulara üstünlük verir. Ona görə də oyunda futbolçular arasında anlaşma aşağı səviyyədə olur. Sonra da milli üzvləri bir-birini yaxşı başa düşməməkdən şikayətlənirlər. Yoxsa, Berti Foqts birini Almaniyadan, digərini Türkiyədən gətizdirir. Belə olan təqdirdə isə millimiz oturuşmuş heyətə malik olmur.
Əli HƏYATİ
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
