“Razıyam ki, “Olimpik”in oyunçuları futbola yaraşmayan hərəkət etdilər. Lakin bu məsələnin yenidən gündəmə gətirilməsi düzgün deyil”. Qol.Az-ın müxbiriylə söhbətində bu sözləri “Olimpik” - “Bakı” oyununun yenidən keçirilməsinə münasibət bildirərəkən, “Simurq”un prezidenti Zaur Məmmədov deyib. Klub rəsmisi “Bakı”nın tələbini düzgün hesab etmir: “Oyunun yenidən keçirilməsini düzgün addım hesab etmirəm. Ona qalsa, həmin oyunu idarə edən Zöhrab Qədiyev bizim “Qarabağ”a qarşı keçirdiyimiz matçda da kobud səhvə yol vermişdi. Referi Elşən Məmmədova qarşı kobudluğa görə penalti təyin etməliydi. Amma o bunu etmədi. Bilərəkdən və ya bilməyərəkdən. Bunu buraxıram hakimin öz vicdanına. Amma mən oyundan sonra bu məsələni şişirtmədim. Çünki hesab etdim ki, bunu gündəmə çıxartmağa ehtiyac yoxdur. İndi səhvdir də, olub. Ola bilər ki, “Bakı” tərəfi desin ki, onlar oyunun yenidən keçirilməsini hakimliyə görə yox, “fair-play” prinsiplərinin pozulmasına görə tələb edirlər. Amma bu fikir də düzgün deyil. Çünki “fair-play” yazılmamış qanundur və əgər biz Mahir Şükürovu və ya Junivanı günahlandırmağa çalışsaq, onlar özlərini asanlıqla təmizə çıxaracaqlar. Biri deyəcək ki, epizodu görmədim, o birisi bir başqa səbəb gətirəcək və s. Tutalım birinci qolda, “fair-play” qaydası pozuldu, bəs ikinci qol? Qapısından qol buraxdıqdan sonra “Bakı”nın 40 dəqiqə vaxtı var idi. İkinci qolu vurardı da”.
Zaur Məmmədov məsələnin bu qədər şişirdilməsində Əsgər Abdullayevi də günhkar hesab edir: “Mənə elə gəlir ki, ən yaxşı variant o olardı ki, hesab bərabərləşdikdən sonra “Olimpik”in baş məşqçisi Əsgər Abdullayev hamının gözü qarşısında futbolçularına göstəriş verərdi ki, rəqibə mane olmasınlar və “Bakı”nın bir qol vurmasına imkan versinlər. Əgər həmin vaxt Əsgər Abdullayev bu hərəkəti etsəydi, o zaman həm bu məsələ bu qədər şişirdilməzdi, həm də Əsgər Abdullayevlə futbolçuları futbol ictimaiyyətinin, azarkeşlərin də böyük hörmətini qazanardılar”.
“Simurq”un prezidenti AFFA-nı bu məsələdə qətiyyətli olmağa, oyunun yenidən keçirilməsinə imkan verməməyə çağırdı: “Fikrimcə, oyunun yenidən keçirilməsi böyük səs-küyə səbəb olacaq. O zaman digər klublar da hakimdən narazı qaldıqları oyunların yenidən keçirilməsini tələb edəcəklər. Mən də deyəcəm ki, bizim “Qarabağ”la oyunumuz da təzədən oynanılsın. Digərləri də həmçinin. Ümumiyyətlə, “Olimpik” - “Bakı” oyununun yenidən keçirilməsi digər klubların haqqının tapdalanmasına gətirib çıxaracaq. Ona görə də mən AFFA-nı bu məsələdə qətiyyət nümayiş etdirməyə çağırıram. “Olimpik” - “Bakı” oyunu yenidən keçirilə bilməz. Bu düzgün deyil. Guya bir oyunla nə olur ki? Çempionatın başa çatmasına hələ xeyli vaxt var. Bu müddət ərzində həm “Bakı”, həm də “İnter” qarşıdakı oyunlarda da xal itirə bilər. Fikrimcə, “Olimpik”lə oyun heç nəyi dəyişməyib və çempionluq mübarizəsi əvvəlki kimi davam edir”.
"İnter"dən darmadağın
Mbappe bu mövsümün sonunda PSJ-dən ayrılacaq - Rəsmi
"Neftçi"nin məşqçisi: "Məncə, bacaracağıq"
"Neftçi" - "Kəpəz" oyununda vurulan qollar - Video
"Çox danışılası bir şey yoxdur" - Adil Şükürov
"Neftçi" "Kəpəz"i darmadağın etdi
Poçetitnodan gələcəyi ilə bağlı açıqlama
ÇL-də həftənin ən yaxşı futbolçusu odur
"Neftçi" - "Kəpəz": Heyətlər
Futzal üzrə Çempionlar Liqasının yeni formatı bilindi
Birinci liqada oyunların vaxtı açqlandı
Mövsümü başa vurdu, Avro-2024-ü də buraxa bilər
"Biz hər cür araşdırmaya açığıq" - Klub prezidenti
Avro-2024-ün rəsmi mahnısı təqdim olundu - Video
Budaq Nəsirov 4 oyunluq cəzalandı
"Belə halların yaşanması qəbuledilməzdir" - AFFA rəsmisi
AFFA Gəncədəki dava ilə bağlı qərar verib
“Gəlin, bu lənətə gəlmiş kuboku götürün”
"Kəpəz" "Neftçi" ilə oyuna 8 itki ilə çıxacaq
Avroliqada həftənin ən yaxşısı adına 2 namizəd
Misli Premyer Liqasında 34-cü turun hakimləri açıqlandı
ETOPAZ-dan Ulu Öndər Heydər Əliyevlə bağlı paylaşım - Video
"Şamaxı"nın vacib qələbəsi - Video
"Atalanta"nı finala yüksəldən qələbə - Video
Mərkəzi oyunda qalib aşkarlanmadı - Video
Danimarka kubokunun qalibi müəyyənləşdi
“Neftçi” “Kəpəz” önünə itkilərlə çıxacaq
Avroliqada finalçılar müəyyənləşdi
"Olimpiakos" Yunanıstandakı finala vəsiqə qazandı