Yuran: “İddialı klublarınızdan təklif olsa, düşünəcəyəm”

Yuran: “İddialı klublarınızdan təklif olsa, düşünəcəyəm”
ÖLKƏ FUTBOLU 8 Fevral 2012 / 15:33 2756
-  A +

“Türkiyədə keçirdiyimiz təlim-məşq toplanışından razı qaldım. İndi komandanı komplektləşdirmək haqda düşünürəm. Bunun üçün bizə bir hücumçu və bir də yarımmüdafiəçi gərəkdir”.

Qol.Az-ın müxbirilə söhbətində bu sözləri “Simurq” klubunun baş məşqçisi Sergey Yuran deyib.

Rusiyalı mütəxəssis komandaya yeni cəlb edilən təcrübəli qapıçı Dmitri Krameronko haqda fikirlərini bildirib: “Əgər Kramarenko kimi təcrübəli qapıçını mövsümün əvvəlində heyətə qata bilsəydik, indi ilk “altılıq”da qərarlaşardıq. Sabiq qapıçımız Adnan Hodziçin çoxlu səhvləri nəticəsində bir çox görüşdə vacib xallar itirdik”.

Yuran Rusiyanın məhşur “Sport-Ekspress” qəzetinə müsahibəsində Azərbaycanda bir nəfər şəxsin eyni vaxtda “İnter” və “Simurq” klublarına sponsorluq etməsini dediyini inkar edib: “Mənim sözlərim səhv anlaşılıb. Mən bir nəfər şəxsin iki kluba sponsorluq etməsini deməmişəm. Böyük şirkətlər tərəfindən komandalara sponsorluq edildiyini bildirmişəm”.

S.Yuran mövsümün sonunda “Simurq”dan ayrılmaq ehtimalına da toxunub: “Mən qarşısına yüksək yerlər uğrunda mübarizə aparmağı məqsəd qoyan klublarda çalışmağı hədəfləyirəm. Əgər ölkənizin digər iddialı klublarından, yaxud xaricdən sərfəli təklif gələrsə, bu barədə düşünəcəyəm. Bununla belə, əgər “Simurq” da daha iddialı çıxış etməyi hədəfləyərsə və öz büdcəsini artırarsa, niyə də başqa kluba keçim?”

Əli HƏYATİ

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib