07.04.26
“Neftçi” klubunun kapitanı Rail Məlikovun Qol.Az saytına müsahibəsi
- Komandanızın Unibank Premyer Liqasının cari mövsümündəki çıxışlarını necə dəyərləndirirsən?
- Keçən il olduğu kimi, bu mövsüm də “Neftçi”nin qarşısına cempionluq vəzifəsi qoyulub. Lakin bir şeyə çox üzülürəm ki, keçən ilkinə baxanda bu il daha çox məğlubiyyət acısı yaşadıq. Bütün bunlara baxmayaraq, komanda birinci pillədə qərarlaşıb. Ümumilikdə “Neftçi” pis təsir bağışlamadı. Yəni, məqsədimizin 50 faizinə çatmışıq.
- Amma birinci pillədə olsanız da, sizi ikinci yerdəki “İnter”dən cəmi bir xal ayırır. Bu, sizi narahat etmir?
- “İnter”i çempionluq yolunda əsas rəqiblərimizdən hesab edirik. Düzdü, hər iki qarşılaşmada onlara məğlub olmuşuq. “İnter”lə ikinci matçda qələbə qazana bilsəydik, aramızdakı xal fərqi çox olardı. Digər tərəfdən, bir xallıq fərq çempionatda ajiotajı daha da artırır. Məncə, maraqlı oyunlar hələ bundan sonra olacaq.
- Digər əsas rəqibinuz “Xəzər Lənkəran”la da xal fərqiniz çox deyil – cəmi iki xal. Bu mənada, çempionluq şanslarınızı necə qiymətləndirirsən?
- Belə baxanda keçən ildə belə vəziyyət yaranmışdı. Onda da komandalar arasında xal fərqi çox az idi. Məncə, indidən dəqiq bir söz demək çox çətindi. Hər şey “altılıq” oyunları zamanı bəlli olacaq. Kim “altılıq” qarşılaşmalarında inamlı çıxış etsə, çempionluğu da o komanda qazanacaq.
- Emil Mpenzanın “Neftçi”dən getməsi barədə nə deyə bilərsən?
- Onun gedişi hücum xəttinin oyununa ciddi təsir etməyəcək. Belə baxanda Fərid Quliyev hazırda ondan daha yaxşı formadadır.
- Yeri gəlmişkən, Mpenza baş məşqçi Böyükağa Hacıyevin ünvanına bəzi fikirlər səsləndirib. Bildirib ki, Hacıyevin ürəyi kimi istəyirsə, onu da oynadır. “Neftçi”nin kapitanı kimi buna necə münasibət necədir?
- Hər bir məşqçi istəyər ki, komandası qələbə qazansın. Ona görə məşqçi daha yaxşı bilir ki, hansı futbolçunu meydana buraxsa qələbə qazana bilər. Birdə ki, məşqçinin seçiminə Mpenza hörmətlə yanaşmalıdır. Boyükağa müəllim belə addım atıbsa, deməli, düzgün fikirləşib.
- Səncə, hazırda “Neftçi”də hansı mövqelərə yeni oyunçu alınmalıdır?
- Mənim fikrimcə, hələ heç bir mövqeyə. Komanda necə var elə də qalmalıdır. Məncə, transferə hələ ehtiyac yoxdur.
Əli HƏYATİ
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
