07.04.26
“Qarabağ” klubunun müdafiəçisi Qara Qarayevin Qol.Az saytına müsahibəsi
- Əvvəlcə ondan başlayaq ki, Yeni ili necə və kimlərlə qeyd etdin?
- Yeni ili ailəmlə birgə keçirdim. Çoxdandı bayramda bir yerdə olmamışdıq.
- Yola saldığımız 2011-ci il sənin üçün ən çox nə ilə yadda qaldı?
- 2011 mənim karyeramın başlanğıc mərhələsi kimi oldu. Çünki bu il daha çox oyun keçirdim. Ən əsası Avroliqada sabit çıxış etdim, həm də milli komandaya dəvət olundum.
- Amma qismətdən millinin hər iki toplanışında iştirak edə bilmədin. İlk toplanış ləğv olundu, sonrakı hazırlıq prosesinə isə klubun tərəfindən buraxılmadın.
- Önəmli olan mənə olan diqqət idi. Yenə də dəvət gəzləyirəm. İnşallah, bu dəfə toplanış təxirə salınmaz (gülür).
- Ümumilikdə 2011-i özün üçün uğurlu sayırsan?
- Əlbəttə. Ötən il mənim üçün çox yaxşı oldu.
- Bizim futbolçuların böyük bir qismi yeni ili xaricdə keçirdi. Bəs, sən nə yaxşı Azərbaycandan bir kənara çıxmadın?
- Onsuz da bütün mövsümü orda-burda olmuşuq. Məncə, ən yaxşısı bayramı evində, vətənində keçirməkdi. Yeri gəmişkən, bayram ərəfəsində doğma vətənim Füzuliyə getmişdim. Mən Qarabağ problemi başlayandan sonra ilk dəfə idi ora gedirdim. Düzü, orada çox təsirləndim. Dağları gördüm, təmas xəttinə yaxınlaşdım. Mən elə təsəvvür edirdim ki, Horadiz qəsəbəsini dağılmış halda görəcəyəm. Amma yox, çox gözəl idi. Hər yer bərpa olunub. Orada yaxşı işlər görülüb. Hətta Olimpiya kompleksi də tikilib.
- 2011-ci ili “Qarabağ” üçün necə dəyərləndirirsən?
- Avroliqada pis nəticə qazanmadıq. Amma ölkə çempionatında bəzi oyunlarda yaxşı çıxış etmədik, önəmli xallar itirdik. Ümümilikdə, normal oldu.
- Səni 2011-ci ilin kəşfi adlandırırlar.
- Görünür, məndə nəsə gördükləri üçün belə deyirlər. Amma düşünürəm ki, bu fikri doğrultmaq üçün öz üzərimdə hələ çox işləməliyəm.
- Bəs, sənin özün kimi 2011-ci ilin kəşfi adlandırardın?
- Düzü, gərək fikirləşəm...
- Komanda yoldaşın Rauf Əliyevin ilin futbolçusu olması haqda nə deyərdin?
- Həqiqətən də Rauf millidə çox yaxşı oyunlar keçirdi, vacib qollar vurdu. Rauf bu ada layiq idi.
- 2012-ci ildən gözləntilərin nədir?
- 2011-ci ildə özünü doğrultmayan bəzi istəklərimizi bu dəfə gerçəkləşdirmək və daha yaxşı çıxış eləmək. Komandamla birgə çempion adını qazanmaq istəyirəm. Çempion olmaq mənim üçün şərəfdir.
- Amma baş məşqçiniz Qurban Qurbanov deyir ki, bu mövsüm çempionluq çətin görünür.
- Doğrudan da, çətindir. Özünüz də çempionatdakı intiriqanı görürsünüz. Amma qarşıda hələ 14 tur var. Bu oyunlarda istədiyimiz nəticəni qazansaq, çempion olmaq mümkündür.
- 2011-ci ildə sənə nə kimi təkliflər oldu?
- Rəsmi təklif olmayıb. Amma bu il olsa, dəyərləndirəcəyəm. Artıq elə yaşdayam ki, xaricdə oynamağın vaxtıdır. Amma birinci məqsədim milliyə dəvət almaq və “Qarabağ”da əsas heyətdə mövqeyimi qorumaqdır.
- Hansı ölkədə legioner həyatı yaşamağı arzulayırsan?
- Arzum İspaniyada oynamaqdır. Amma reallıqdan danışmaq lazımdır.
- Rusiya və Türkiyə variantı sənin üçün necədir?
- Harda olur-olsun, builki məqsədlərimdən biri də əcnəbi kluba keçməkdir.
- Yeri gəlmişkən, Türkiyə “Bank Asya” liqasında oynamağa necə baxırsan?
- Problem yoxdu, oynayaram. Mənə orada rahat olar.
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
