AFFA Sergey Yuran və komandasını cəzalandırdı

AFFA Sergey Yuran və komandasını cəzalandırdı
ÖLKƏ FUTBOLU 23 Dekabr 2011 / 14:40 2157
-  A +

Bu gün AFFA İntizam Komitəsinin növbəti iclası keçirilib.

Qol.Az-ın məlumatına görə, iclasda Unibank Premyer Liqasının son turunda baş verənlərlə bağlı müvafiq qərarlar qəbul edilib.


Unibank Premyer Liqasının XVIII turunun “Simurq” –  “İnter” matçının 54-cü dəqiqəsində “Simurq” klubunun 2  nömrəli futbolçusu İlkin Qırtımov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 2000 manat cərimə olunub. Oyunun 69-cu dəqiqəsində “Simurq” baş məşqçisi Sergey Yuran texniki zona qayadalarını pozduğuna görə meydandan kənarlaşdırıldığı üçün məşqçi 1 oyunluq cəzalanır, kluba 1000 manat cərimə kəsilib. Matçın 69-cu dəqiqəsində “Simurq” azarkeşləri tərəfindən meydançaya atılmış kənar əşyalardan biri matçın baş hakiminin başına zədə yetirmiş və nəticədə ona təcili tibbi yardım göstərilmişdir. “Simurq” azarkeşləri tərəfindən dəfələrlə meydançaya kənar əşyalar atıldığı üçün kluba aşağıdakı cərimə və cəzalar tətbiq edilir:

“Simurq” klubu növbəti iki ev oyununu azarkeşsiz keçirsin və kluba 8000 manat cərimə verilsin. Oxşar hadisənin baş verəcəyi təqdirdə “Simurq”  klubuna qarşı daha ciddi sanksiyalar tətbiq ediləcəkdir.

Hakimlər Komitəsi oyunun hakimlər briqadası haqqında  lazımı ölçü götürüb İntizam Komitəsinə yazılı məlumat versin.
 
Unibank Premyer Liqasının XVIII turunun “Sumqayıt Şəhər” –  “Turan” matçının 68-ci dəqiqəsində “Turan” klubunun 22  nömrəli futbolçusu Məhərrəm Müslümzadə kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimə olunub.
 
Unibank Premyer Liqasının XVIII turunun “Rəvan” –  AZAL matçında “Rəvan” klubunun 4 futbolçusu sarı vərəqə ilə cəzalandığı üçün klub 1000 manat cərimələnib.
 
Unibank Premyer Liqasının XVIII turunun “Qəbələ” –  “Qarabağ” matçının 89-cu dəqiqəsində “Qəbələ” klubunun məşqçisi Vüqar Məmmədov texniki zona qayadalarını pozduğuna görə meydandan kənarlaşdırıldığı üçün məşqçi 1 oyunluq cəzalanır, klub 1000 manat cərimə olunub.
 
Unibank Premyer Liqasının XVIII turunun “Neftçi” –  “Kəpəz” matçının 55-ci dəqiqəsində “Neftçi” klubunun 5 nömrəli futbolçusu İqor Mitrevski idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, kluba 200 manat cərimə kəsilib. Oyunun 66-cı dəqiqəsində “Kəpəz” klubunun 8  nömrəli futbolçusu Armand Feutçine kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat cərimələnib.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...