07.04.26
Bakının “İnter” klubunun yarımmüdafiəçisi Samir Zərgərovun Qol.Az saytına müsahibəsi
- Dünən Unibank Premyer Liqasında keçirdiyiniz oyunda səfərdə
“Simurq”u 2:0 hesabıyla məğlub etdiniz. Lakin penaltidən vurduğunuz ilk qol əlavə söhbətlərə yol açdı.
- Həmin anda açıq-aşkar görünürdü ki, rəqib futbolçu kobud oynayaraq əl hərəkətiylə qaydanı pozdu. Hakimin qəbul etdiyi qərar haqlı idi.
- AFFA Hakimlər Komitəsinin sədri Xaqani Məmmədov “Simurq”lu futbolçunun hərəkətinə şübhə ilə yanaşdığını bildirib. Onun fikrincə, meydan sahiblərinin futbolçusu bilərəkdən kobud oynayıb ki, qapılarına penalti təyin edilsin.
- Bu, Xaqani Məmmədovun öz fikridir. Mən bu haqda heç bir şey deyə bilmərəm. Bir şey dəqiqdir ki, həmin epizodda penalti vardı. Bilmirəm, “Simurq”lu futbolçu bunu qəsdən etmişdi, ya yox... Bir daha deyirəm, futbolçu nə edir özü bilər. Xaqani Məmmədovun dediklərinə isə şərh vermək istəmirəm.
- “Simurq”un bilərəkdən “İnter”ə xal verdiyi iddia olunur. Rəqibin bilərəkdən qaydanı pozması bu şübhələrə yol açıb.
- Səmimi deyirəm ki, danışılmış oyundan söhbət gedə bilməz. Siz mənim ayağımı görsəniz, dəhşətə gələrsiniz. Ayağımın bütün yeri göm-göydür. Tək mən yox, komandamın 6-7 futbolçusu ağır zədə almaqdan canını güclə qurtardı. Yəni, onlar qarşılaşmaya belə ciddi hazırlaşmışdılar. Meydan sahibləri həmin oyunda əllərindən gələni etməyə çalışırdılar ki, “İnter”i dayandırsınlar. Əgər belə bir şey olsaydı, sərt oynamaqlarına nə lüzum vardı?
- “Simurq”un baş məşqçisi Sergey Yuran oyun zamanı hakimin qərarlarına etiraz edirdi. Hətta ikinci hissədə futbolçularını meydandan çıxarmağa da cəhd etdi. Buna münasibətin necədir?
- Mən ilk hissədə meydana çıxsam da, ikinci yarıda əvəzləndim. Həmin olayın baş verdiyi an soyunub-geyinmə otağındaydım. Sonradan komanda yoldaşlarımdan xəbər tutdum ki, rəqibin baş məşqçisi futbolçularını meydandan çıxartmaq istəyib. Bunu əvvəl “İnter” komandası “Bakı”yla oyunda etmişdi. Sonda heç nə qazanmadıq. Əksinə texniki məğlubiyyət aldıq, “Bakı”ya 3 xal verildi. Eləcə də, “Turan” klubunun bunu təkrar etməsi bizə qələbə qazandırdı. Bir sözlə, əgər meydanı tərk etsəydilər, özlərinə ziyan vuracaqdılar. Ən azı klub böyük məbləğdə cərimələnəcəkdi.
- Baş məşqçiniz Kaxaber Sxadadzenin cəza üzündən oyunu tribunadan izləməsi sizə nə kimi təsir etdi?
- Baş məşqçimiz hər zaman bizimlədir. Oyundan öncə Sxadadze bizə bütün tapşırıqlarını vermişdi. İnanıram ki, dediklərinin 90 faizini yerinə yetirmişik. Ancaq baş məşqçinin komandadan ayrı düşməsi istər-istəməz futbolçulara təsir göstərir. Ən azı tribunadan məşqçinin nə dediyini eşidə bilmirsən.
Əli HƏYATİ
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
