Xaqani Məmmədov: “Simurq”lu futbolçunun hərəkəti məndə şübhə doğurur”

Xaqani Məmmədov: “Simurq”lu futbolçunun hərəkəti məndə şübhə doğurur”
ÖLKƏ FUTBOLU 21 Dekabr 2011 / 11:16 2548
-  A +

AFFA Hakimllər Komitəsinin sədri Xaqani Məmmədov dünən “Simurq” və “İnter” arasında keçirilmiş Unibank Premyer Liqasının oyunundakı hakimliyə görə meydan sahibi klubun narazılıqlarına münasibət bildirib.

Qeyd edək ki, “Simurq” matçın 28-ci dəqiqəsində qaydalar pozulduğu halda “İnter”in qapısına penalti təyin olunmadığını iddia edib. Bundan başqa, matçın 54-cü dəqiqəsində “Simurq”lu futbolçu İlkin Qırtımova qırmızı vərəqə göstərilib. Vəziyyət o yerə çatıb ki, hətta ikinci hissədə hakimlərin qərarlarından narazı qalan “Simurq”un baş məşqçisi Sergen Yuran komandasını meydandan çıxarmaq istəyib, amma klub rəhbərliyi buna əngəl olub. Yeri gəlmişkən, bundan bir qədər sonra baş hakim Elvin Əsgərov Yurana qırmızı vərəfə göstərərək onu tribunaya göndərib.

Qol.Az saytının müxbiri ilə söhbətində Xaqani Məmmədov hakimlərin oyundakı bütün qərarlarının haqlı olduğunu söyləyib. Amma o, matçın 13-cü dəqiqəsində “Simurq”un qapısına təyin olunan penalti epizodu zamanı yerli futbolçunun hərəkətinin onda şübhə doğurduğunu söyləyib: “Elə bil futbolçu bilərəkdən qaydanı pozurdu ki, qapılarına penalti təyin edilsin. Mən hesab edirəm ki, həmin epizodda hakim tam doğru qərar çıxararaq penalti təyin edib. Amma dediyim kimi, “Simurq”lu futbolçunun hərəkətləri mənə aydın olmadı”.

X.Məmmədov “İnter”in qapısına 28-ci dəqiqədə penalti təyin edilməməsiylə bağlı iddiaları qəbul etməyib: “Həmin epizodda hakim doğru qərar verib”.

Məmmədov 54-cü dəqiqədə “Simurq”lu İlkin Qırtımova qırmızı vərəqə göstərilməsini də haqlı sayır: “O, Baçana Sxadadzeni bilərəkdən dirsəyi ilə vurmuşdu”.

Qeyd edək ki, “Simurq” – “İnter” oyunu qonaq komandanın 2:0 hesablı qələbəsi ilə yekunlaşıb.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...