Musa Süleymanov: «Yəqin, məndən cəriməni alıb futbolçuların borcunu ödəyəcəklər”

Musa Süleymanov: «Yəqin, məndən  cəriməni alıb futbolçuların borcunu ödəyəcəklər”
ÖLKƏ FUTBOLU 22 Noyabr 2011 / 16:07 4177
-  A +

Maliyyə problemi içində olan “Turan”ın AFFA İntizam Komitəsi tərəfindən beş min manat məbləğində cərimə olunmasına klubun prezidenti Musa Süleymanov münasibət bildirib.

Qeyd edək ki, İntizam Komitəsi bu qərarı «Turan»ın əvəzedici heyətinin «Bakı»yla son oyunda iştirak etməməsi səbəbindən qəbul edib.

Qol.Az-ın müxbiri ilə söhbətində Musa Süleymanov İK-nin bu qərarında təəccüblü bir şey olmadığını vurğulayıb: “Onlar öz vəzifələrini icra edirlər. Əgər qanun pozuntusu varsa, cərimə də olmalıdır. Bu gün biz futbolçuların maaşını verə bilmiriksə, oyuna gedə bilmiriksə, deyiləcək başqa bir şey yoxdur. Yəqin, məndən  cəriməni alıb futbolçulara olan borcu ödəyəcəklər.”

M.Süleymanovun sözlərinə görə bu gedişlə «Turan»ın fəaliyyəti sual altına düşəcək: «İndiyə kimi, komandanın fəaliyyəti üçün əlimdən gələni etmişəm. Daha buna maddi gücüm çatmır. Onsuz da stadionun saxlanılması, işçilərin əmək haqqını, kommunal xərcləri mən ödəyirəm.  “Turan” Azərbaycan futbolunu simasıdır.  Komandanı kim pis vəziyyətdən qurtarmağı bacaracaqsa, buyursun, gəlsin”.

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...