07.04.26
“Bakı”nın müdafiəçisi Elvin Əliyev Premyer Liqanın son turunda qarşılaşdıqları “Xəzər Lənkəran”la oyunla bağlı Qol.Az-ın suallarını cavablandırıb
- Evdə “Xəzər Lənkəran”la 2:2 hesabı ilə bərabərə qaldığınız görüş haqda nə deyə bilərdin?
- Həmin oyun geridə qalsa da, onun təəsüratlarını hələ də yaşayırıq. Çünki “Xəzər Lənkəran”la keçirdiyimiz qarşılaşmanı bəlkə də çempionatın ən maraqlı oyunu adlandırmaq olar. Baxmayaraq ki, hava şəraiti əlverişli deyildi, buna rəğmən, məhsuldar və maraqlı oyunun şahidi olduq. Məncə, həmin görüşdə “Bakı” qələbəyə layiq idi.
- İlk yarıda daha çox hücum edən tərəf “Bakı”olsa da, qolu qonaqlar vurdu. Bəs, fasilədə baş məşqçiniz Starkov sizə nələr söylədi ki, dalbadal iki qol vurdunuz?
- Ümumiyyətlə, biz bu görüşə qələbə əzmi ilə çıxmaqla yanaşı, psixoloji tərəfdən də yaxşı hazırlaşmışdıq. İlk yarıdan sonra baş məşqçimiz Aleksandır Starkov bizə “mən sizə inanıram, hələ heç nə itirilməyib” deyərək komandaya dəstək oldu. Və özünün taktiki tapşırıqlarını verərək hər şeyin hələ qabaqda olduğuna inandırdı. Məncə, pis alınmadı. Komandamız xarakter göstərərək, əsl döyüşkənlik nümayiş etdirdi.
- Komanda yoldaşın Uinston Parksın vurduğu qollar nəticəsində məğlubiyyətdən xilas oldunuz. Dəyəsən, Parks artıq tənqidlərdən nəticə çıxarmağa başlayıb.
- Hər kəs yaxşı bilir ki, Parks çox texnikalı, səviyyəli və qol vurmağı bacaran bir futbolçudur. Çoxları onun “Bakı”dakı oyununu bəyənməyərək formasını itirəcəyini düşünsə də, gözlənilənlərin əksinə oldu. O öz sözünü deyərək,vurduğu qollarla bunu sübut etdi.
- Həmin oyunda Cəmşid Məhərrəmovun ikinci sarı vərəqə alaraq, meydandan qovulmasından sonra “Bakı” qələbəni əldən verdi. Səncə, baş hakim Fariz Yusifov həmin epizodda düzgün qərar verdi?
- Həmin epizodda Fariz Yusifov Cəmşidi bağışlayada bilərdi. Çünki Çəmşid qayda pozuntusu zamanı o qədər də kobudluğa yol verməmişdi. Nəzərə alsaq ki, qayda pozuntusu meydanın mərkəzində baş vermişdi, baş hakim vərəqə göstərməyə də bilərdi.
- Klubunuzun rəsmiləri bildirir ki, Fariz Yusifovun həmin görüşdə “Xəzər Lənkəran”a simpatiyası açıq-aydın sezilirdi. Sən bunu hiss etdin?
- Ümumiyyətlə, kənardan hər şey başqa cür görsənir. Biz meydançada mübarizə etdiyimiz zaman belə halları çətinliklə görə bilirik. Oyun zamanı o qədər gərginlik olur ki, xırda hakim səhvlərini görə bilmirsən. Digər tərəfdən, hakimi hər şeyə görə qınamaq olmaz. Çünki hava şəraiti yaxşı olmadığından, futbolçular yıxılmağa daha çox meyilli olurlar. Düşünmürəm ki, Fariz Yusifov oyunu qərəzli idarə edib. Bu cür gərgin matçlarda hakim əlini daha çox cibinə atmağa məcbur olur.
- Belə bir fikir səslənir ki, baş məşqçiniz Aleksandr Starkov hələ də “Bakı”nın nəbzini tuta bilmir.
- Mən bununla razılaşmıram. Özünüz də görürsünüz ki, komanda gündən-günə artırır. “Bakı”nın oyun üslubunda yaxşılığa doğru xeyli irəliləyiş hiss olunur. Heyətdəki bütün futbolçularla baş məşqçimizin çox gözəl münasibəti var. Mən istərdim ki, onun rəhbərliyi altında oynayım.
Əli HƏYATİ
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
“İmişli” - “Turan Tovuz”: Heyətlər
"Çətinliyə baxmayaraq, mübarizə aparmalıyıq"
Maquayrla yeni müqavilə imzalandı
Azərbaycanda "ayın qolu"! Gözəlliyə baxın...- Video
"Bir gün yenidən “Neftçi”də olmaq istəyirəm" - Flavinyo
3 komandaya texniki məğlubiyyət verildi
