02.11.24
Azərbaycan milli komandasının və «Qarabağ»ın yarımmüdafiəçisi Rəşad Sadiqovun Qol.Az saytına müsahibəsi
- İlk sualım üstündən bir neçə gün keçsə də, yığmamızın Avstriya ilə oyunu, daha doğrusu, sənin erkən əvəzlənməyin barədə olacaq. Bir çox futbol mütəxəssisinin fikrincə, həmin matçda zəif çıxış etdin. Bu fikirlə razısan?
- Deməzdim ki, zəif çıxış etdim. Oyun zamanı heç bir kobud səhvə yol vermədim. Və yaxud meydanın özümüzə aid hissəsində rəqiblə mübarizədə topu itirərək qapımız qarşısında təhlükəyə səbəb olmadım. Sadəcə, meydanda azlıqda qaldığımız üçün müdafiəyə daha çox diqqət yetirdim. Əlbəttə, hər kəs mənim daha çox hücumameyilli futbolçu olduğumu bildiyi üçün müdafiədə oynamağımı qəbul edə bilmədi. Heç özüm də arxa zonada oynamağı sevmirəm. Lakin həmin gün meydanda azlıqda qaldığımızdan belə oynamaq məcburiyyətində qaldım. Bu o demək deyil ki, mən zəif çıxış etdim.
- Bəs, onda millimizin baş məşqçisi Berti Foqts səni nədən Türkiyə ilə oyunda meydana buraxmadı?
- Bunu mən özüm də anlaya bilmədim. Əgər müdafiəmeyilli taktika seçmişdisə, qapımızda qol gördükdən sonra ikinci yarıda meydana buraxa bilərdi. Ya 0:1 uduzdun, ya da 1:4, onsuz da hər ikisi məğlubiyyətdir. Məncə, risk etməyə dəyərdi.
- Komandamızın türklərə qarşı oyununu necə dəyərləndirərdin?
- Aydın məsələdir ki, meydanda yaradıcı futbolçuların az olması komandamızın müdafiə futboluna üstünlük verməsi ilə izah olunur. Ancaq onu da deyim ki, yığmamız arxa xəttdəki oyunu hücumdan fərqli olaraq pis alınmadı. Hücumda nəsə etməyə çalışsalar da, demək olar ki, bir-iki təhlükəli vəziyyətdən başqa heç nə ilə yadda qalmadılar.
- Rəşad Sadıqovun qapımıza vurulan yeganə qoldakı səhvini necə şərh edərdin?
- Vurulan qolda Rəşadı günahlandırmaq, onun üstünə çox getmək düzgün olmazdı. Çünki həmin epizod zamanı top yerə dəyərək istiqamətini dəyişdi. Ona görə də topa sahib olmaq demək olar ki, mümkünsüz idi. Rəşad özü də bildirdi ki, hər şey ani oldu və ötürmə zamanı topun yerə dəyməsi onu çaşdırdı.
- Artıq millinin futbolçuları baş məşqçiyə qarşı etirazlarına bildirməyə başlayıb. Vaqif Cavadov, Elnur Allahverdiyevin verdiyi açıqlamalardan yəqin ki, xəbərdarsınız. Ümumiyyətlə, yığmanın daxilində nələr baş verir?
- Vaqif milli komandadan imtina etmədiyini bildirib. Həmin gün onunla Foqts arasında nəsə baş vermişdi. Sonradan Foqts bizlərə bildirdi ki,Vaqif milli komandanı icazəsiz tərk edərək, oynamaqdan imtina etdi. Şəxsən mən bu sözləri eşidən zaman inana bilmirdim. Mənə elə gəlir ki, bu məsələyə təkcə bir tərəfin fikirləri ilə izah vermək düzgün olmazdı. Gərək hər iki tərəfin fikirlərini dinləyərək nəyəsə qərar versinlər.
- Sonuncu sualım Premyer Liqada qarşıdan gələn “Rəvan”la oyun barəsində olacaq. Çoxları bu görüşün “Qarabağ” üçün çətin olacağını proqnozlaşdırır. Sən necə düşünürsən?
- Bu mövsüm “Rəvan” bir çox iddialı klubla oyunlarda sərfəli nəticə qazanaraq adından söz etdirməyə çalışır. Buna onların “Xəzər Lənkəran” və “Qəbələ”ilə oyunlarını misal gətirmək olar. Məncə, “Qarabağ”ı səfərdə asan oyun gözləmir. Lakin bütün bunlara baxmayaraq qələbə qazanmaq üçün əlimizdən gələni edəcəyik.
Əli HƏYATİ
_22.01.19.jpg)
U-18 Qəbələdə toplanır
"Barselona" xal itirdi
Rodri stadionda belə qarşılandı - Video
"Neftçi"nin "Zirə" üzərində qələbəsindən - Video
“Neftçi” “Zirə”yə qalib gəldi
Cavid Hüseynov: “Futbolçu kasadlığı yaşayırıq”
"Qarabağ"ın 3 qollu qələbəsindən - Video
Millimizin üzvü oynadı, komandası qələbə qazandı
Ayın ən yaxşı qolunun müəllifi mükafatlandırıldı
"Neftçi" - "Zirə" - Heyətlər
Ançelotti Mbappenin mental durumundan danışdı
Amorim: "Transferlərdə son sözü baş məşqçi deməlidir"
“Qarabağ”ın oyunlarını izləyirəm” - Akinfeyev
"Səbail" - "Qarabağ" : Heyətlər
Qvardiola: "Təsəvvür edin ki..."
"Qarabağ"ın rəqibindən böyükhesablı qələbə
Harri Keyn Bundesliqa rekordu qırdı
Orxan Məmmədov çempionlarla görüşdü - Şəkillər
