“Qarabağ” 23 pillə irəlilədi

ÖLKƏ FUTBOLU 5 Sentyabr 2011 / 12:22 2746
-  A +

Beynəlxalq Futbol Tarixi və Statistikaları Federasiyası (İFFHS) dünyanın ən güclü klublarının reytinq cədvəlini açıqlayıb.

Qol.Az-ın məlumatına görə, 400 komandanın yer aldığı siyahının ilk 2 pilləsində dəyişiklik olmayıb.

İspaniya “Barselona” klubu 331 xalla ilk pillədəki yerini qoruyub. Kataloniyalıların əzəli rəqibi “Real” isə 309 xalla ikinci sırada qərarlaşıb.

Reytinq cədvəlinin üçüncü pilləsində isə dəyişiklik olub. Son 1 ayda 1 pillə irəliləyən “Mançester Yunayted” 287 xalla “Porto”nu ilk “3-lük”dən çıxarıblar. Əjdahalar 4-cü yerə geriləyiblər.

Azərbaycanın İFFHS-in siyahısındakı yeganə təmsilçisi “Qarabağ” isə 70,5 xalla 308-ci yerdə qərarlaşıb. Ötən ayla müqayisədə 23 pillə irəliləyən təmsilçimiz “Uiqan”, “Sanderlend”, “Vest Hem”, “Vest Bromviç” (hamısı İngiltərə), “Almeriya”, “Rasinq”, “Sportinq”, “Osasuna” (hamısı İspaniya), “Köln” (Almaniya), “Cenoa”, “Bolonya”, “Kalyari” (hamısı İtaliya), “Monpelye”, “Tuluza”, “Velansyenn” (hamısı Fransa) kimi komandaları arxada qoyub.

Ən çox geriləyən klublardan olan “Barselona” (Ekvador) da 190-cı yerdən 344-ə enərək “Qarabağ”dan arxada qərarlaşıb.

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib