Qardaşa yaxşı bayram hədiyyəsi

AÇ-2012-nin seçmə mərhələsi çərçivəsində Azərbaycan milli komandası bu gün növbəti görüşünü keçirib.

Qol.Az-ın məlumatına görə, Berti Foqtsun komandası bu dəfə doğma divarlar arasında qrup ikincisi Belçikanı qəbul edib.

Səfərdə baş tutan ilk görüşdə milli komandamız rəqibinə böyük hesabla məğlub olmuşdu. Belçikalılar matçın əvvəlində hesabı açsalar da, millimizin cavabı özünü çox gözlətməmişdi. Ruslan Abışov başla hesaba tarazlıq gətirmişdi.

Lakin getdikcə Belçika yığması təşəbbüsü ələ alaraq millimizi 4:1 hesabı ilə məğlub etmişdi. Bu axşamkı görüş isə Belçika ilə 4-cü duelimiz olacaq. İndiyə kimi qarşılaşdığımız hər 3 oyunda məğlub olmuşuq. Bakıdakı oyunun da favoriti Belçika yığması sayılırdı.

Lakin milli komandamız da doğma azarkeşlər önündə qələbə qazanmaq niyyətində idi ki, bunu da bacardı. Hərçənd millimiz ikinci hissənin əvvəllərində hesabda geri düşmüşdü.  

Bununla belə, futbolçularımız “ay-ulduzlular”ın əsas rəqibi olan Belçika millisini məğlub etməklə həmin qələbənin təsadüfi olmadığını sübut etdilər. Matçın 86-cı dəqiqəsində Rauf Əliyev baş zərbəsi ilə hesaba tarazlıq gətirib.

Bu nəticə isə Belçika millisinə ağır zərbə olub. Qrupda ikinci pillədə olan Belçika millisi 2 vacib xal itirməklə demək olar ki, AÇ-2012-yə getmək şansını möcüzəyə saxlayıb. Təbii ki, Belçikanın xal itirməsi daha çox qardaş ölkə Türkiyəni qane edir.


2 sentyabr

AÇ-2012-nin seçmə mərhələsi

21:00. Azərbaycan – Belçika - 1:1
Qollar: Simons, 55-pen (0:1), Rauf Əliyev, 86 (1:1)
Hakimlər: Anders Hermansen, Martin Vulf, Jakob Bille, Kenn Pii Hansen (hamısı Danimarka).
Hakim-inspektor: Marinus Koopman (Hollandiya).
UEFA nümayəndəsi: Velid İmamoviç (Bosniya və Herseqovina).
Bakı. Tofiq Bəhramov adına Respublika stadionu

Azərbaycanın start heyəti: 1. Kamran Ağayev, 4. Mahir Şükürov, 14. Rəşad Sadıqov (k), 13. Vurğun Hüseynov, 5. Elnur Allahverdiyev, 16. Aqil Nəbiyev, 8. Aleksandr Çertoqanov, 15. Ruslan Abışov (Rahid Əmirquliyev, 64), 22. Əfran İsmayılov (Elşən Məmmədov, 58) 7. Vaqif Cavadov, 11. Rauf Əliyev.
Ehtiyat oyunçular: 23. Andrey Popoviç, 2. Rail Məlikov, 3. Saşa Yunisoğlu, 6. Rəşad Sadiqov, 10. Branimir Subaşiç, 19. Rahid Əmirquliyev, 21. Elşən Məmmədov.

Belçikanın start heyəti: 1. Simon Minolye, 2. Tobi Alderveyreld, 4. Vensan Kompani (k), 3. Yan Vertongen, 5. Nikolas Lomberts, 6. Timmi Simons, 8. Maruan Fellaini, 10. Aksel Vitsel, 7. Eden Hazard, 9. Romelu Lukaku (İqor de Kamarqo, 60), 11. Dres Mertens.
Ehtiyat oyunçular: 12.Jan-Fransua Jille, 13. Loran Siman, 14. İqor de Kamarqo, 15. David Hubert, 17. Yelle Fossen, 19. Vadis Ocica, 20. Yelle Van Damm.


1 Almaniya                7  7 0 0 22-3 21
2 Belçika                   8 3 3 2 16-11 12
3 Türkiyə                  6    3 1 2 9-7 10
4 Avstriya                 6 2 1 3 10-10 7
5 AZƏRBAYCAN        7 1 1 5 6-19 4
6 Qazaxıstan             6 1 0 5 2-15 3