Aleksandr Starkov: “Sxadadzeyə bir həmkar kimi təəssüfümü bildirirəm”

"Üçüncü turda çox güclü bir rəqiblə qarşılaşdıq. Bu həmin "İnter"dir ki, altı ay əvvəl Moskvada keçirilən Birlik Kubokunda bütün rəqiblərinə qalib gələrək, MDB çempionu tituluna sahib çıxıb. Həmin vaxt biz onların qələbəsindən fərəhlənir, oyunlarından zövq alırdıq”.

Qol.Az-ın məlumatına görə, bu sözləri “Bakı”nın baş məşqçisi Aleksandr Starkov klubun rəsmi saytına açıqlamasında deyib. “İnter”lə ötən həftə baş tutan oyunu dəyərləndirən latviyalı mütəxəssis yenə hücumçuların çıxışından narazı qalıb:

“Bizə qarşı oynayan "İnter"ə gəldikdə isə, bizim qarşımıza komanda oyunu oynayan, bir-birlərini yaxşı başa düşən, sözün yaxşı mənasında acıqlı bir komanda çıxmışdı. Ümumilikdə biz onlardan yaxşı oynadıq. Ancaq yenə də hücum xəttimizin dişsizliyi diqqət çəkdi. Hücumçularımız qollar vurmalıdırlar, ancaq onu da qeyd edim ki, "İnter"in müdafiə xətti olduqca inamlı oynayırdı. Biz oyun boyu təzyigi artırırdıq ki, bu da qarşılaşmanın sonlarında öz bəhrəsini verdi. Rəqibin əsəbləri davam gətirmədi və onlar səhvə yol verdilər.

Oyuna sonradan daxil olan futbolçular da öz işlərini gördülər. Biz damla-damla əldə etdiyimiz üstünlüyü sonda reallaşdıra bildik. Azarkeşlərimizin dəstəyini xüsusi qeyd etmək istəyirəm. Onlar bizi ilk dəqiqədən sonadək dəstəklədilər. Bu bizim köməyimizə gəldi. "Simurq"la uğursuz oyundan sonra komandada gərginlik var idi. "İnter"lə oyundan sonra bu mənfi amil aradan qalxdı.
"İnter" yaxşı təşkilatlanmış komandadır. Burada baş məçqçinin işi görünür. Güclü motivasiya ilə oynayırlar. Sxadadzeyə bir həmkar kimi təəssüfümü bildirirəm. Həqiqətən də, bu komandanya və həmkarıma hörmətlə yanaşıram. Bizim hər birimiz onun yerində ola bilərdi. "İnter"lə oyunda güclü tərəf biz idik və bunun nəticəsini də gördük. Gələcəkdə onlara uğurlar arzulayıram”.

Təcrübəli çalışdırıcı komandada çıxış edən futbolçular arasında vəjdət yaratmağa çalışdıqlarını deyib:
“Gərginlik nədən yaranır? Mən bir məçqçi kimi eyforiya anları və gərginlikdə kimin özünü necə hiss elədiyini müşahidə edirəm.Mən Elvin Əliyev, İbrahim Karqbo və yaxud Uinston Parksı deyə bilmərəm, ancaq mənim yaxşı tanıdığım futbolçular, məsələn, Maris Verpakovski barədə müəyyən fikirlər söyləyə bilərəm. Biz komanda olaraq bu insanların bir-birləri ilə vəhdət təşkil etməsinə çalışırıq. Gərginlik var idi, ancaq indi görürəm ki, kollektivdə əhval-ruhiyyə yüksəlib. Kimin yaxşı və yaxud pis oynaması söhbət mövzusu deyil. Bizim oyunumuz hələ çiydir. Futbolçularımız arasında əlaqə zəifdir”.

Komandanın yeni transferi Junior haqqında danışan Starkov braziliyalı hücumçuya inandığını bildirib:
“Juniora gəldikdə, o cəmi 2-3 gündür ki, komanda ilə birlikdədir. Bu futbolçunu əvvəldən izləmişdik, mən onu izləmək üçün keçmiş klubunun oyunlarına baxmışam. "İnter"lə oyunda meydana çıxdıqdan sonra komandanın oyununu gücləndirdi. Mənə elə gəlir ki, qarşıdakı oyunlarda Junior bir çox müsbət cəhətlərini göstərəcək. Tək texnikalı və sürətli olmaq bəs etmir, həm də psixoloji cəhətdən güclü olmalısan. Ümid edirəm ki, onun oyun səviyyəsi daha da artacaq”.

Növbəti turda qarşılaşacaqları “Kəpəz”lə oyuna ciddi hazırlaşdıqlarını deyən baş məşqçi heç bir rəqibə yuxarıdan aşağı baxmadıqlarını söyləyib:

“Növbəti oyunumuza ciddi hazırlaşırıq. "Gəncə" nə "Simurq" nə də "İnter" deyil. Bu, özünəməxsus bir fubol oynayan komandadır. Biz onların oyunlarını izləyib, analiz edirik. Zəif və güclü tərəflərini öyrənirik. Bununla belə əsas məsələ bizim futbolçuların necə oynamasıdır. Xətlər arasındakı rabitə, xüsusən də, hücumçularımızın anlaşması üçün hələ çox işləməliyik.

Heç bir rəqibə yuxarıdan aşağı baxmaq olmaz. Hələ çox oynularda sürprizlər ola bilər. Biz buna hazır olmalıyıq. Hər bir oyuna maksimum diqqətlə çıxmalıyıq. İstəməzdim ki, sürpriz nəticələr bizim oyunlara təsadüf etsin. Öz oyunumuzla bunun qarşısını almalıyıq. "Kəpəz"lə oyuna qələbə üçün çıxırıq. Bunun məsuliyyətini anlamaq lazımdır”.

Sonda isə Starkov bir daha onları dəstəkləyən yerli azarkeşlərə təşəkkür edib:

“Azarkeşlərimizə bir daha təşəkkür edirəm və onları stadiona dəvət edirəm. Onların dəstəyi bizə güc verir, komandanın tərəfdarlarının dəstəyinə ehtiyacı var”.