Əmrah Çəlikəl: “Qarabağ”da daha yeni transfer olmayacaq”

Əmrah Çəlikəl: “Qarabağ”da daha yeni transfer olmayacaq”
ÖLKƏ FUTBOLU 23 Avqust 2011 / 16:58 3053
-  A +

“Əlbəttə “Qarabağ”da zədəli futbolçuların çoxluğu bizi narahat etməyə bilməz. Ona görə də həmin oyunçuların komandanın sıralarına qayıtması üçün əlimizdən gələni etməyə çalışırıq”.

Bu sözləri Qol.Az-ın müxbiri ilə söhbətində “Qarabağ”ın direktoru Əmrah Çəlikəl deyib.

Məlum olduğu kimi, “Qarabağ”da zədəli futbolçuların sayı artıb. Zədəlilər Vüqar Nadirov, Maksim Medvedyev, Zaur Həşimov, Rəşad Sadiqovun və sırasına Emin İmaməliyev də qatılıb. Ağdam klubunun rəhbərliyi bundan narahatlıq duysa da, problemi aradan qaldırmaq üçün transfer barədə düşünmür.

Ə.Çəlikəl qarşısına çempionluq məqsədi qoyan “Qarabağ” üçün yay transfer “pəncərəsi”nin artıq bağlandığını bildirib: “Qarabağ”da daha yeni transferlər olmayacaq. Ona görə ki, bizim istədiyimiz göstəricilərə uyğun gələn oyunçu tapa bilmirik. Demək olar ki, bizim üçün transfer mövsümü başa çatıb. Gələn oyunçu mütləq yerli olmalıdır. Bu isə hazırda mümkün deyil. Səbəbini yuxarıda açıqladım. Əcnəbi futbolçu isə bizim fəlsəfəmizə yad olduğu üçün legioner transferi olmayacaq”.

Klub rəsmisi zədəli futbolçuların çoxluğuna baxmayaraq, qarşıdakı turlarda problem yaşamayacaqlarını düşünür: “Qarşıda elə də ciddi problem yaşamayacağımızı düşünürəm. Çünki əlimizdə lazımı qədər futbolçu var”.

 

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib