Azərbaycan millisi Makedoniyaya məğlub oldu (YENİLƏNİB)

Azərbaycan milli komandası bu gün növbəti sınaq görüşünə çıxıb. Qol.Az-ın məlumatına görə, Berti Foqstun komandası Makedoniya milllisi ilə qarşılaşıb.

Makedoniya yığması da millimiz kimi qrupda 5-ci pillədə qərarlaşıb. Lakin millimizdən fərqli olaraq B qrupunda mübarizə aparan Makedoniya yığmasının aktivində 4 xal var. Andorranı qabaqalayan makedonlar millimizlə görüşə seçmə mərhələ öncəsi son sınaq matçı kimi baxır.

Makedoniya millisinə yeni baş məşqçinin təyin olunmasının da bu komandanın axşamkı oyunda var gücü ilə mübarizə aparacağına şübhə yaratmır. Qeyd edək ki, Makedoniya sentyabrın 2-də səfərdə Rusiya, ayın 6-da isə öz meydanında Andorra ilə qarşılaşacaq.

Milli komandamıza gəldikdə isə bu görüş Berti Foqts üçün də seçmə mərhələ öncəsi bir sınaq oyunu olacaq. Son görüşündə evdə Almaniya millisinə 1:3 hesabı ilə məğlub olan yığmamız bu dəfə doğma azarkeşlər önündə qələbə qazanmaq niyyətində idi.   

Qeyd etmək yerinə düşər ki, milli komandamız ötən il Avstriya toplanışı çərçivəsində Makedoniya ilə qarşılaşmış və həmin görüş 3:1 hesabı ilə rəqibin xeyrinə başa çatmışdı. Bu dəfə isə tərəflər Bakıda “Dalğa Arena”da üz-üzə gəliblər.

Ancaq təəssüf ki, Berti Foqtsun komandası bu dəfə makedonlarla bacarmayıb. İlk hissədə böyük üstünlüyə malik olan millimiz ələ düşən imkanlardan yararlana bilməyib. Rəqibin ən təhlükəli futbolçusu Qoran Pandevin vurduğu qol oyunda yeganə olub və milllimiz bu görüşdən də məğlub ayrılıb - 0:1.

Qeyd edək ki, Azərbaycan millisi AÇ-2012-nin seçmə mərhələsi çərçivəsində sentyabrın 2-də Belçikanı, ayın 6-da isə Qazaxıstan yığmasını qəbul edəcək.

10 avqust

Beynəlxalq yoldaşlıq görüşü

20:00. Azərbaycan – Makedoniya - 0:1
Qol: Qoran Pandev, 58 (0:1)
Hakimlər: Aleksey Kulbakov, Andrey Hetsikau, Vitali Malyutsin (hamısı Belarus), Rəhim Həsənov (Azərbaycan).
Hakim-inspektor: Xaqani Məmmədov (Azərbaycan)
Nümayəndə: Gülağa Cabarov (Azərbaycan)
Bakı. “Dalğa Arena” stadionu. 
     

Azərbaycanın start heyəti: 1. Kamran Ağayev, 14. Rəşad Sadıqov (k), 13. Vurğun Hüseynov, 5. Elnur Allahverdiyev, 8. Aleksandr Çertoqanov, 19. Rahid Əmirquliyev, 20. Fabio Luis Ramim (Cavid Hüseynov, 73), 4. Mahir Şükürov, 22. Əfran İsmayılov (Ufuk Budaq, 64), 10. Elvin Məmmədov (Arif İsayev, 26), 11. Rauf Əliyev (Murad Hüseynov, 67).
Ehtiyat oyunçular: 15. Aqil Məmmədov, 23. Andrey Popoviç, 2. Rail Məlikov, 3. Aqil Nəbiyev, 9. Murad Hüseynov, 15. Ruslan Abışov, 16. Cavid Hüseynov, 24. Arif İsayev, 25. Ufuk Budaq.

Makedoniyanın start heyəti: 1. Tome Paçovski, 2. Stefan Ristovski, 3. Qoran Popov, 4. Vançe Şikov, 5. Daniel Moysov, 7. Ferhan Hasani (Vladimir Dimitrovski, 86), 8. Muhammed Demiri (Slavço Georgiyevski, 77), 9. Veliçe Şumulikoski (Stefan Spirovski, 67), 11. Aleksandr Traykovski (Vlatko Qrozdanoski, 58), 10. Qoran Pandev (k), 13. İvan Triçkovski.
Ehtiyat oyunçular: 1. Martin Boqatinov, 6. Slavço Georgiyevski, 14. Stefan Spirovski, 15. Vladimir Dimitrovski, 17. Vlatko Qrozdanoski, 18. Samir Fazli.