«Neftçi»nin yeni baş məşqçisi Böyükağa Hacıyevin Qol.az saytına müsahibəsi
- İlk olaraq sizi təbrik edirik. Yəqin ki, komandanın futbolçuları ilə artıq tanış olmusunuz.
- Dünən komandayla birgə ilk məşqimə çıxmışam. Düzdür, futbolçuların yarısı bizimlə birgə deyildi. Bildiyiniz kimi, “Neftçi”nin bir çox oyunçusu əsas milli komandanın, digərləri isə U-21 heyətinə cəlb olunub. Buna baxmayaraq, digər futbolçularla tanışlıq mərasimi oldu. Digər oyunçularla da tanışlığımız yaxınlarda baş tutacaq. Mənə elə gəlir ki, problemimiz olmamalıdır.
- Mətbuata açıqlamanızda “Neftçi”ə çempionluq qazandırmaq üçün gəldiyinizi bildirmisiniz.
- Əvvəla, general olmaq istəməyən əsgər əsgər deyil. İkincisi isə, çempionun nəyini çempion edəsən? Biz çalışacağıq ki, bu komandanın oyun dəsti xəttində bir sıra kefiyətləri üzə çıxararaq, aşılıyaq. Əlimizdən gələni edəcəyik ki, “Neftçi” yüksək yerlər uğrunda mübarizə aparıb medallara sahib olsun. Ən vacibi də ondan ibarətdir ki, bu komanda çempion olduqdan sonra Avrokuboklarda da uğurla yarışsın.
- Klublarımız ölkə çempionu olmaq üçün və ya Avroliqaya vəsiqə uğrunda mübarizə aparırlar. Ancaq Avropa yarışlarında fiaskoya uğrayırlar.
- Vaxtilə mən özüm də «Bakı» komandasıyla birgə Çempionlar Liqasını ilk mərhələdə tərk etmişəm. Səfərdəki məğlubiyyətdən sonra evdə minimal hesablı qələbə bizi qane etmədi və mübarizəni dayandırmalı olduq.
Yəni demək istəyirəm ki, Avropa oyunlarında təcrübəm var. “Neftçi”nin oyunlarını da analiz etmişəm. Əsas odur ki, bundan sonra komandanı psixoloji cəhətdən əla hazırlamaq lazımdır.
- “Neftçi”nin heyətində hansısa dəyişiklik olacaqmı?
- Mən dağıdıcı insan deyiləm ki, gələn kimi hər şeyin üstündən xətt çəkim. Gəlmişəm ki, bu komandayla iş görüm, onu uğurlara daşıyım. Düşünürəm ki, bu klubda yetərincə yaxşı material var. “Neftçi”də hansısa mövqedə bir zəiflik hiss etdikdə, çalışacağıq onu aradan qaldıraq.
- Heyətdəki legionerlərin səviyyəsi sizi qane edir?
- Mpenzanın çox güclü futbolçu olduğunu yaxşı bilirik. Əgər o, Azərbaycanda potensialını lazımı səviyyədə üzə çıxara bilmirsə, biz ona yardım etməliyik. Digər futbolçulara gəlincə, məsələn, Flavinyo vətəni Brazilyada yetərincə tanınır, Denis Silvanın “Xəzər Lənkaran”dakı çıxışları yadımızdadır. Motreskini Moskva “Spartak”ında oynayıb, Makedoniya yığmasının şərəfini qoruyur. Bu və digər legionerlər potensialları var və onlar bunu açmalıdırlar. Mən “Neftçi”də heç kimə ilk “11”likdə oynamağə söz verməmişəm. Hər bir futbolçu əsas heyətdəki yerini alın təri, yaxşı oyunu hesabına qazanmalıdır.
- Siz daha çox yerli, yoxsa əcnəbi futbolçulara üstünlük verəcəksiniz?
- Rail Məlikov, Ruslan Abışov, Ruslan Əmircanov və Cavid Hüseynov əsas milliyə dəvət olunan futbolçulardır. Onların qabında nəsə var ki, yığma komandaya dəvət olunublar. Ümumiyyətlə, futbolçular arasında ayrıseçkilik qoymaq fikrim yoxdur. Onların hər biri mənim üçün çox əzizdir. Hamıya eyni gözlə baxıram və mənim sevimli oyunçum yoxdur.
"Arsenal"dan qələbə
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı
"Qarabağ" - "Neftçi" matçının biletləri satışda
“Barselona” Pedrini satacaq
"Yaxşı ki, Belarusla qarşılaşdıq" - Millinin baş məşqçisi