Toni Adams: «Bu, xüsusi əhəmiyyət kəsb etmir»

Toni Adams: «Bu, xüsusi əhəmiyyət kəsb etmir»
ÖLKƏ FUTBOLU 31 İyul 2011 / 15:36 2578
-  A +

Qəbələdə təşkil olunan beynəlxalq turnirdə dörd komanda arasında sonuncu yeri tutan «Qəbələ» klubunun baş məşqçisi Toni Adams bu gün mətbuat konfransı keçirib.

Qol.Az-ın məlumatına görə, Toni Adams ilk oyunda əsas heyəti meydana buraxmamasının səbəbi haqda danışarkən bildirib ki, İngiltərədən təlim-məşq toplanışdan qayıdarkən uzun yol futbolçuların yorğunluğuna səbəb olub. Buna görə də o, Gürcüstanın «Dila» komandasıyla matçda ehtiyat oyunçuları meydana buraxıb.

«Spartak»la oyunda isə Adams əsas heyəti meydana buraxsa da, komandası 0:1 hesabı ilə uduzub: «Bizim turnirdə dördüncü yer tutmağımız xüsusi əhəmiyyət kəsb etmir. Mən futbolçularımdan razıyam».

Toni Adams «Qəbələ»də yaxşı futbolçuların olduğunu qeyd edib. Bu zaman o, yeni transferləri Mahir Şükürov və Dodonun adını çəkib. Bununla belə, britaniyalı mütəxəssis bildirib ki, hələlik komandanın əsas heyəti tam formalaşmayıb.

Növbəti mövsümdə «Qəbələ»nin hədəfləri haqda danışan Toni Adams bildirib ki, məqsədləri Avropa Liqasında oynamağa imkan verən yerlərdən birini tutmaqdır: «Mövsümə hazırlığımız yaxşı keçib. «Qəbələ»ni çempionata hazır saymaq olar. Yaxşı transferlər etmişik ki, bunları da mövsümdə görəcəksiniz. Lakin hələ bu son deyil. Transfer pəncərəsinin sonuna qədər olan 1 ay ərzində heyətimizə yeni futbolçular qatacağıq».

Adams bildirib ki, komandaya daha iki futbolçu cəlb etmək istəyir.

Mətbuat konfransında məlum olub ki, «Qəbələ» hazırda qapıçı Qreem Smitlə danışıqları davam etdirir.

O vurğulayıb ki, yeni mövsümdə «Qəbələ»nin oyun stili dəyişməyəcək.

«Son vaxtlar biz Baraninin autdan ötürmələrindən sonra çoxlu qol vururuq, amma eyni zamanda həm də top buraxırıq».

Toni Adams bildirib ki, yeni transferləri Mendi növbəti mövsümün bombardiri ola bilər.

Daha çox


Son xəbərlər