AFFA-nın baş katibi püşkün nəticəsini dəyərləndirdi

AFFA-nın baş katibi püşkün nəticəsini dəyərləndirdi
ÖLKƏ FUTBOLU 31 İyul 2011 / 12:49 2254
-  A +

«Millimizin maraqlı qrupda yer aldığını düşünürəm”. Qol.Az-ın məlumatına görə, bu sözləri AFFA-nın baş katibi Elxan Məmmədov bildirib.

Qeyd edək ki, E.Məmmədov dünən Braziliyanın Rio-de-Jeneyro şəhərində 2014-cü ildə bu ölkədə təşkil olunacaq dünya çempionatının seçmə mərhələsinin püşkatma mərasimində iştirak edib.

«Lüksemburq yığması istisna olmaqla, digər rəqiblərimizin hər biri ilə müxtəlif vaxtlarda dünya və ya Avropa çempionatlarının seçmə mərhələsində qarşılaşmışıq. Bununla yanaşı, millimiz Lüksemburq yığması ilə yoldaşlıq oyunu keçirib. Belə demək mümkünsə, bütün rəqiblərimizlə tanışlığımız var” – deyə E.Məmmədov bildirib.

O deyib ki, püşkün nəticəsi ilə bağlı millinin baş məşqçisi Berti Foqtsla fikirləri üst-üstə düşür: “Ümidvaram ki, millimiz DÇ-2014-ün seçmə mərhələsində layiqli çıxış edərək, ölkə futbol ictimaiyyətini və azarkeşləri sevindirəcək”.

Daha çox


Son xəbərlər