Ağasəlim Mircavadov: “Brügge” əvvəlki əzəmətini itirib”

Ağasəlim Mircavadov: “Brügge” əvvəlki əzəmətini itirib”
ÖLKƏ FUTBOLU 28 İyul 2011 / 12:42 2422
-  A +

“Qarabağ” ilk öncə Avroliqada bu mövsüm keçirdiyi dörd oyunu unutmalı və “Brügge”ilə oyuna köklənməlidir”.

Bu sözləri Qol.Az-ın müxbiri ilə söhbətdə Azərbaycanın əməkdar məşqçisi Ağasəlim Mircavadov deyib. Onun sözlərinə görə, rəqibə orta sahədə rahat oynamaq imkanı verilməməlidir. Həmçinin standart vəziyyətlərdə “Qarabağ”lı futbolçular daha diqqətli olmalıdır: “Çünki Belçikalılar belə vəziyyətlərdən yararlanmağı çox sevir”.

O qeyd edib ki, rəqib demək olar, daim Avropadakı yarışlarda iştirak edir, köklü bir komandadır: “Ancaq düşünürəm ki, “Brügge” əvvəlki əzəmətini itirib. Son zamanlar heç bir uğura imza atmayıblar. Məncə, bu klubu keçmək mümkündür”.

Mircavadov “Qarabağ”ın kapitanı Rəşad Sadiqovun qardaşı vəfatı xəbərini futbolçulara psixoloji təsiri ilə bağlı sualı da cavablandırıb: “Səbuhi Sadiqovun erkən dünyasını dəyişməsi bizləri çox üzdü. Əlbəttə, bu itki komandanın futbolçularına öz təsirini göstərdi. Həmçinin Rəşadın “Brügge”ilə meydanda olmaması “Qarabağ” üçün ağır itki sayılır. Çünki Rəşad Sadiqov Azərbaycanda ən yaxşı orta sahə oyunçusu hesab edilir.

Bütün bunlara baxmayaraq, mən düşünürəm ki, komanda meydana çıxaraq əsl xarakter nümayiş etdirməlidir. Top və meydanın hər qarışı uğrunda sonadək mübarizə aparmalı və əsl döyüşkənlik göstərməlidirlər. ən azı komanda yoldaşları Rəşadın dünyasını dəyişmiş qardaşının ruhunun şad olması üçün”.


 

Daha çox


Son xəbərlər