Mirça Rednik: "Mən hələ də "Xəzər Lənkəran"ın baş məşqçisiyəm"

Mirça Rednik: "Mən hələ də "Xəzər Lənkəran"ın baş məşqçisiyəm"
ÖLKƏ FUTBOLU 25 İyul 2011 / 00:06 4169
-  A +

"Mən hələ də "Xəzər Lənkəran"ın baş məşqçisiyəm. Sadəcə olaraq Azərbaycanı tərk edib ölkəmə istirahətə gəlmişəm".

Qol.Az-ın məlumatına görə, bu sözləri "Xəzər Lənkəran" klubunun sabiq baş məşqçisi Mirça Rednik Rumıniya mətbuatına verdiyi müsahibədə deyib.

Rednik bu gün "Xəzər Lənkəran" klubunun rəhbərliyi ilə görüşəcəyini və hər şeyə orada aydınlıq gələcəyini bildirib:

"Mən heç vaxt "Xəzər Lənkəran"dan istefa verdiyimi söyləməmişəm. Hələ də "Xəzər Lənkəran"ın baş məşqçisiyəm. Bu gün klub rəsmiləri ilə görüşüm olacaq və hər şeyə o zaman aydınlıq gələcək.

Əgər komandada çıxış edən legionerlər "Xəzər Lənkəran"ı tərk edərsə, o zaman mən də gedərəm. Lakin hələlik heç bir futbolçu "Xəzər Lənkəran"ı tərk etməyib. Buna görə də, komandada qalmaq ehtimalım var".

Qeyd edək ki, Rednikin "Xəzər Lənkəran"ın Avroliqanın II təsnifat mərhələsində İsrailin "Makkabi" klubuna məğlub olduqdan sonda istefa verdiyi haqda məlumatlar yayılmışdı.

Daha çox


Son xəbərlər