"Qurbanov "Volqa"nın əsas komandasında çıxış edə bilər"

"Qurbanov "Volqa"nın əsas komandasında çıxış edə bilər"
ÖLKƏ FUTBOLU 24 İyul 2011 / 02:05 3520
-  A +

Ötən gün Rusiya Premyer Liqasında çıxış edən "Volqa" və "Spartak" klublarının əvəzedici heyətləri üz-üzə gəlib.

Qol.Az-ın məlumatına görə, həmin görüşdə Azərbaycanın 19 yaşlı futbolçularından ibarət komandasının üzvü Şamil Qurbanov da iştirak edib.
 
Hər iki tərəf qələbə qazanmaq arzusunda olsa da, oyun 1:1 hesabı ilə başa çatıb. Görüşdə vurulan qollar isə matçın ikinci hissəsinə təsadüf edib.

Matçın 64-cü dəqiqəsində Samsonovla hesabda irəli keçən moskvalılar 81-ci dəqiqədə qapılarında qol görüblər. "Volqa"nın bərabərlik qoluna isə komandanın kapitanı Ruslan Paştov imza atıb.

Oyundan sonra "Volqa"nın idman direktoru Aleksandr Lipko həmyerlimiz və komandanın kapitanı haqda xoş sözlər söyləyib: "Bu oyunda komanda yaxşı oynadı. Lakin 2 futbolçumuz daha çox fərqləndi.

Bunlardan biri Azərbaycan millisinin təlim-məşqindən yenicə qayıtmış Şamil Qurbanov, digəri isə komandanın kapitanı Ruslan Paşkovdur. Paşkov əsl kapitandır. O, komandasını arxasınca aparmağı bacarır. İnanıram ki, hər iki futbolçu yaxın gələcəkdə "Volqa"nıın əsas komandasında çıxış edə bilər".

Qeyd edək ki, Qurbanov "Spartak"la oyunda 90 dəqiqə meydanda mübarizə aparıb.

 

 

Daha çox


Son xəbərlər