Mircavadov “Qarabağ” və “Xəzər Lənkəran”ın şanslarını dəyərləndirdi

Mircavadov “Qarabağ” və “Xəzər Lənkəran”ın şanslarını dəyərləndirdi
ÖLKƏ FUTBOLU 21 İyul 2011 / 13:55 2682
-  A +

«Rəqiblə səfərdə qollu heç-heçə olmasına baxmayaraq,”Qarabağ” doğma meydanda da “Streymur”a qarşı var gücü ilə oynamalıdır. Bütün qol epizodlarından maksimum istifadə etməlidir. Bu oyunu böyük azarkeş kütləsi izlədiyindən, “Qarabağ” onları sevindirməklə bərabər həm də zövq bəxş etməlidir”.


Bu sözləri Qol.Az-ın müxbiri ilə söhbətində Azərbaycanın əməkdar məşqçisi Ağasəlim Mircavadov Avropa Liqasının “Qarabağ” – “Streymur” oyunu ilə bağlı danışarkən deyib.

Onun sözlərinə görə “Qarabağ”ın mərhələ keçməsi artıq realdır: “Ancaq bir şərtlə ki, rəqibə qarşı saymazyana olmasınlar”.


Mircadavov “Streymur”səddini keçəcəyi halda “Qarabağ”ın Belçika “Brügge”si ilə qarşılaşacağını xatırladıb: “Rəqib demək olar ki, daim Avropadakı yarışlarda iştirak edir, köklü bir komandadır.Ancaq düşünürəm ki, “Brüqqe” əvvəlki əzəmətini itirib. Son zamanlar heç bir uğura imza atmayıblar. Məncə, bu klubu keçmək mümkündür. Bunun üçün yaxşı transferlər etmək lazımdır. “Qarabağ”ın daha da güclənməyə ehtiyacı var”.

Mircavadov keçmiş klubu “Xəzər Lənkəran”ın Təl-Əviv “Makkabi”si ilə keçirəcəyi oyum haqda da fikirlərini bildirib: “Xəzər Lənkaran”ın səfərdə 1:3 hesabı ilə uduzmasına baxmayaraq, vurduqları yeganə qol onların mərhələ keçmək şanslarını saxlayır. Heyətdə yetərincə güclü legioner olmaqla yanaşı, onların möhtəşəm azarkeş ordusu var. Əgər “Xəzər Lənkəran” səfərdə “Makkabi”yə qarşı ikinci hissədəki oyunu burada da nümayiş etdirsə, onların da mərhələ adlamaq şansları var”.

Daha çox


Son xəbərlər