"Qarabağ" qaldı, "Xəzər Lənkəran" getdi (YENİLƏNİB)

Bu gün Avroliqanın II təsnifat mərhələsinin oyunlarına start verilib. Qol.Az-ın məlumatına görə, Çempionlar Liqasından fərqli olaraq Avroliqanın bütün görüşləri eyni gündə keçirilir.

Bu axşam cavab görüşlərinə çıxacaq təmsilçilərimiz - "Qarabağ" və "Xəzər Lənkəran" klubları "Neftçi" və AZAL-ın uğursuzluqlarını unutdurmağa çalışacaqdı. İlk öncə isə meydana "Xəzər Lənkəran" klubu çıxıb.

Lənkəran şəhər stadionunda İsrailin "Makkabi" klubunu qəbul edəcək Mirça Rednikin komandasını çətin oyun gözləyir. Səfərdə rəqibinə 1:3 hesabı ilə məğlub olan "Xəzər Lənkəran"ın evdə işi heç də asan olmayacaqdı.

Bununla belə, Lənkəran təmsilçisi doğma azarkeş amilindən maksimum yararlanaraq qələbə qazanmağa çalışsa da, bunun öhdəsindən gələ bilməyib. "Xəzər Lənkəran" növbəti mərhələyə adlamaq üçün "Makkabi"yə ən azı 2 cavabsız top vurmalı idi. Lakin tərəflərin səylərinə baxmayaraq, oyunda hesab açılmayıb. Bununla da, daha bir təmsilçimiz Avroliqa ilə vidalaşıb.

Digər təmsilçimiz "Qarabağ"ın isə Tofiq Bəhramov adına Respublika stadionunda Farer adalarının "Streymur" klubunu qəbul edib. Lakin Qurban Qurbanovun komandasının vəziyyəti "Xəzər Lənkəran"a nisbətən daha yaxşı idi. Səfərdə rəqibi ilə 1:1-lik sülh bağlayan "Qarabağ" evdə rəqibini məğlub etmək istəyirdi. 

Lakin oyunboyu üstün futbol nümayiş etdirən Qurban Qurbanovun komandası bu görüşdə fərqlənə bilməyib. Bununla belə. təmsilçimiz növbəti mərhələyə vəsiqə qazanıb. "Qarabağ" Avroliqanın III təsnifat mərhələsində Belçikanın "Brügge" klubu ilə qarşılaşacaq.

Qeyd edək ki, ilk oyun iyulun 28-də səfərdə, cavab görüşü isə bir həftə sonra Tofiq Bəhramov adına Respublika stadionunda keçiriləcək. 

21 iyul

Avroliqanın II təsnifat mərhələsinin cavab görüşləri


21:00. “Qarabağ” – “Streymur” - 0:0
Hakimlər: Qoran Spirkoski, İqor Şirilov, Kiril Neqrieski, Petar Veljanovski (hamısı Makedoniya).
Hakim-inspektor: Nikolay Levnikov (Rusiya).
UEFA nümayəndəsi: Marinus Den Enqelsman (Hollandiya).
Bakı. Tofiq Bəhramov adına Respublika stadionu.

"Qarabağ"ın start heyəti: 99. Boyan Pavloviç, 5. Maksim Medvedev, 6.Rəşad Sadiqov (k), 7. Namiq Yusifov, 11. Rauf Əliyev,14. Rəşad Sadıqov, 17. Vüqar Nadirov, 22. Əfran İsmayılov, 24. Admir Teli, 25. Ansi Aqolli, 77. Georgi Adamiya 
Ehtiyat oyunçular: 1. Fərhad Vəliyev, 2. Qara Qarayev, 4. Zaur Həşimov, 9. Bəxtiyar Soltanov, 10. Emin İmaməliyev, 18. İlqar Qurbanov, 20. Nderim Nedzipi


"Streymur"un start heyəti: 1. Rene Torqard, 2. Aleks dos Santos, 3. Pauli Hansen, 4. Gert Ade Hansen, 6. Petue Dam Yakobson, 7. Levi Hansen, 8. Eqil Bo (k), 11. Hans Pauli Samuelson, 14. Daniel Udsen, 22. Arnbyorn Hansen, 23. Leyf Niklasen 
Ehtiyat oyunçular: 30. Yoan Paolo Yakobson, 5. Pol Qrunveit Olsen, 9. Arnat Dam, 10. Vasile Angel,


20:30. “Xəzər Lənkəran” – “Makkabi” - 0:0
Hakimlər: Andrey Şandor, Oleq Muravyov, Vladimir Volodin, Yaroslav Kozik (hamısı Ukrayna).
Hakim-inspektor: Nuno Kastro (Portuqaliya).
UEFA nümayəndəsi: Volf-Qanter Uyesel (Almaniya).
Lənkəran. Şəhər Mərkəzi stadionu


"Xəzər Lənkəran"ın start heyəti: 1. Kamran Ağayev (k), 3. Elvin Beqiri, 7. Katalin Doman (Julius Vobay, 50), 8. Eder Bonfim, 9. Tsaba Borbeli, 11. Andrey Mureşan, 14. Rahid Əmirquliyev, 15. Emeka Opara, 16. Adrian Pit, 77. Marius Onofraş,  81. Rikardo Qomeş.
Ehtiyat oyunçular: 85. Kamal Bayramov, 2. Elnur Allahverdiyev, 5. Dieqo Qusmao, 10. Elnur Abdullayev, 18. Alim Qurbanov, 80. Joao Pinto, 84. Julius Vobay.


"Makkabi"nin start heyəti: 55. Qay Haimov, 2. Klemi Saban, 4. Nivaldo (k), 7. Gilyermo İsraileviç, 10. Haris Medunyanin, 13. Munas Dabbur, 14. Yoav Ziv, 16. Eliran Atar, 17. Savo Paviçeviç, 18. Mussa Kanate (Roberto Kolautti, 84), 25. Rafi Dahan.
Ehtiyat oyunçular: 1. Barak Levi, 6. Qal Alberman, 15. Dor Mixa, 21. Şeran Yeini, 23. Moşe Loqasi, 24. Roberto Kolautti, 32. Roy Kehat.
Baş məşqçi: Motti İvanir.