Ramin Musayev: «Növbəti çempionatda 12 yox, 11 komanda oynaya bilər»

Ramin Musayev: «Növbəti çempionatda 12 yox, 11 komanda oynaya bilər»
ÖLKƏ FUTBOLU 20 İyul 2011 / 17:39 2572
-  A +

İyulun 22-də keçiriləcək növbəti Azərbaycan Premyer Liqasının püşkatmasında nəzərdə tutulduğu kimi 12 deyil, 11 komanda iştirak edə bilər.

Bu haqda Qol.Az-a Peşəkar Futbol Liqasının prezidenti Ramin Musayev məlumat verib.

Onun sözlərinə görə, bir neçə gün əvvəl «Muğan» klubu çempionatda iştirakdan imtina etdiyindən onun əvəzinə Premyer Liqaya «Simurq»un buraxılması qərara alınıb.

R.Musayev bildirib ki, indi də «Kəpəz» klubu maddi problemlə üzləşib: «Klubun prezidenti Elmir Əliyevlə telefon danışığım oldu. O mənə dedi ki, «Kəpəz»in sponsoru komandanı maliyyələşdirməkdən imtina edib».

R.Musayev bildirib ki, hələlik «Kəpəz»in çempionatda iştirakdan imtina etməsilə bağlı PFL-ə rəsmi məktub göndərməyib.

«Buna görə də hələlik qəti fikir söyləmək tezdir. Buna baxmayaraq, çempionata 11 komandayla başlamağımız mümkündür» - deyə o bildirib.

Daha çox


Son xəbərlər