20:34
“İnanırsınız, hirsimdən bütün gecəni yatmamışam. Əsəbimdən özümə yer tapa bilmirdim. Qələbə qazanmağa borclu olduğumuz oyun idi”.
Bu sözləri Qol.Az-ın müxbiri ilə söhbətində AZAL-ın prezidenti Vaqif Qasımov deyib. Qasımov Avroliqanın birinci təsnifat mərhələsində “Minsk”lə oyunda qalib gələ bilməmələrini bəxtsizliklə əlaqələndirib: “Neynəmək olar, futboldur. Komandamız çox yaxşı oyun sərgilədi. Kifayət qədər qol imkanlarımız oldu. Təkcə Elşən Məmmədov iki real qol vəziyyətindən yararlana bilmədi. Zohair Benuahinin epizodu isə daha real idi. Amma bəxtimiz gətirmədi. Oyundan sonra futbolçuların yanına getdim. Hamısı qələbə qazana bilmədiyimiz üçün çox məyus idi”.
Hücum xəttində çatışmazlıq olduğunu bildirən klub prezidenti bu mövqeyə iki səviyyəli futbolçu alacaqlarını vurğulayıb: “Mütləq hücum xəttinə iki səviyyəli forvard alınacaq. Dünənki matçda da açıq-aşkar bu mövqedə boşluq olduğu nəzərə çarpdı. Düzdür, futbolçular qol vurmaq üçün çox çalışdılar. Lakin gücümüz 1 topdan artığına çatmadı. Əslində bir hücümçu və bir sağ cinah müdafiəçisi ilə razılığa gəlmişdik. Həmin futbolçularla müqavilə bağlayıb, sifariş ərizəsinə daxil etmək istəyirdik. Ancaq bizi pis vəziyyətdə qoydular və Bakıya gəlmədilər. Bundan sonra isə “Minsk”lə oyunun sifariş ərizəsinə başqa oyunçu əlavə edə bilmərik”.
Nazim Süleymanovun oyundan əvvəl dediyi “Minsk”i də keçə bilməsək, daha niyə işləyirəm” açıqlamasına münasibət bildirən Qasımov səfərdəki oyunun nəticəsindən asılı olmayaraq, baş məşqçinin öz vəzifəsində qalacağını söyləyib: “Nazim müəllim il yarımdır ki, bizimlədir. O, AZAL-a baş məşqçi təyin olunanda, komanda 12-ci pillədə idi. Daha sonra 7-ci yerə yüksəldi. Son mövsümdə isə 4-cü pillənin sahibi kimi Avroliqaya vəsiqə qazandı. Məşqçinin işi göz qabağındadır. Özünüz də görürsünüz ki, nəticə var. Ona görə də “Minsk”lə səfər oyunun nəticəsindən asılı olmayaraq, Süleymanov öz vəzifəsində qalacaq”.
"Traktor"dan daha bir kubok
Ronaldo Corcinaya evlilik təklif etdi - Şəkil
"Sumqayıt" braziliyalı futbolçu transfer etdi
"Sabah" - "Levski" oyununa nə qədər bilet satılıb?
"Qarabağ"la ilk görüşdə istədiyimiz səviyyədə oynaya bilmədik" - "Şkendiya"nın futbolçusu
İtaliya millisinin üzvü "Atletiko"da
"Qəbələ" nigeriyalı oyunçu aldı - Rəsmi
İki qardaş eyni gündə Azərbaycan klublarına transfer olundu
Adı “Qarabağ”la hallanan Klovis transfer olunacaqmı?
“Bir hücumçu gətirməklə dayanmayacağıq” - Qurban Qurbanov
Millimizin sabiq üzvü bu kluba keçdi
Mikelsin digər qardaşı da Azərbaycana gəldi - Rəsmi
"Bavariya"dan Səudiyyə Ərəbistanı klubuna
“Yuventus”un sabiq futbolçusu "Milan"da
“Zirə” - “Araz Naxçıvan” oyununun vaxtı dəyişdirildi
"Murad Musayev "Sabah"ı dəyişdi" - Aleksey Baqa
QOL.az daha əlçatan oldu!
