Mircavadov: “Qarabağ” bir halda qalib gələ bilər”

Mircavadov: “Qarabağ” bir halda qalib gələ bilər”
ÖLKƏ FUTBOLU 30 İyun 2011 / 13:32 2613
-  A +

“Mən hesab edirəm ki, “Qarabağ” və AZAL-ı bu gün asan oyun gözləmir. Komandalarımızın asan rəqiblə düşməsi barədə fikirlərlə də razı deyiləm”.

Bu sözləri Qol.Az-ın müxbiri ilə söhbətində Azərbaycanın əməkdar məşqçisi Ağasəlim Mircavadov deyib.

AZAL-ın rəqibinin Belorusiya klubu olduğunu xatırladan Mircavadov həmin ölkədəki futbolun sürətlə inkişaf etdiyini deyib: “Həm milli komanda, həm də klub səviyyəsində Avropada uğurlu çıxış edirlər. Ona görə “Minsk”in zəif klub olmağından söhbət gedə bilməz”.

“Qarabağ”ın rəqibinə gəlincə, Mircavadov “Banqa”nı zəif saymır: “Ola bilər ki, digər klublara nisbətən zəifdir, ancaq ümumi götürəndə “Banqa” da Avropada uğur qazanmağa çalışacaq. Ona görə də “Qarabağ” bu ağır görüşə tam hazır olmalıdır. Mən “Qarabağ”dan qələbə gözləyirəm. Ən pis halda uduzmamalıdır. Şəxsən mən öz klublarımıza həddindən artıq inanıram. Baxmayaraq ki,  AZAL-ın təcrübəsi azdı, onların qələbə qazanacaqlarını düşünürəm. Çünki klubun məşqçisi Nazim Süleymanovu ən yaxşı yerli mütəxəssislərdən biri hesab edirəm. “Qarabağ” isə rəqibinə bir halda qalib gələ bilər - öz oyununu nümayış etdirsə”.

Daha çox


Son xəbərlər