22:52
Ukrayna “Krivbas”ının qapıçısı İqor Omelçenko Sloveniyada təlim-məşq toplanışında komandanın düşərgəsini tərk edib və Ukraynaya qayıtmayıb.
QOL.az xəbər verir ki, bu barədə klubun mətbuat xidməti məlumat yayıb.
“Krivbas” klubu təsdiqləyir ki, İqor Omelçenko doğrudan da Sloveniyada keçirilən toplanış zamanı düşərgəni özbaşına tərk edib və komanda ilə birlikdə Ukraynaya qayıtmayıb. Klub futbolçu ilə əlaqə saxlayıb, lakin o, “Krivbas”a qayıtmaqdan imtina edir.
“Krivbas” futbolçunun komandaya qaytarılması üçün bütün zəruri tədbirləri görməyə davam edir və bu məsələ ilə bağlı aidiyyəti orqanlarla əlaqə saxlayır. Klub vəziyyətlə bağlı Ukrayna Premyer Liqasını da məlumatlandırıb.
Futbolçunun klubla qüvvədə olan müqaviləsi hələ bir il müddətinə qüvvədədir. Biz İqor Omelçenkonu müqavilə öhdəliklərinə qayıtmağa çağırırıq”, – deyə klubun açıqlamasında deyilir.
İqor Omelçenko 19 yaşındadır və hazırda “Kryvbas” sistemində U-19 komandasının tərkibində çıxış edir.
Onun Ukraynadakı müharibəyə görə ölkəyə qayıtmadığı bildirilir.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
