20:50
"Bakı" klubunun baş məşqçisi Aleksandr Starkov geridə qalan mövsüm barədə fikirlərini bölüşüb. Qol.Az-ın məlumatına görə, latviyalı mütəxəssis mövsümün "Bakı"nın iddiaları və planlarına uyğun gəlməyəcək bir şəkildə uğursuz alındığını bildirib.
O, azarkeşlər qarşısında borclu qaldıqlarını söyləyib: "Ümid edirəm ki, əgər belə demək mümkündürsə, borcluluq hissləri bizə növbəti mövsümdə daha yaxşı işləmək və daha yüksək nəticələr əldə etməkdə köməkçimiz olacaq. Mövsüm ümumilikdə uğursuz alındı. Biz qarşıda duran vəzifələrin həllinə nail ola bilmədik, avrokuboklardan kənarda qaldıq. Bu, komandada yaşanan problemlərin təzahürüdür. İnanıram ki, mövsümlərarası fasilə zamanı qarşıda duran təşkilat məsələlərini həll edib, avqusta startı veriləcək yeni çempionata daha güclü və mütəşəkkil komanda şəklində başlayacağıq. Futbolçularımızın bir çoxu ürəkdən çalışırdılar, məncə, kimisə xüsusi qeyd etmək düzgün olmazdı".
Starkov heyətdə dəyişikliklərin olacağını, cavanlaşdırma istiqamətində işlərin aparılacağını vurğulayıb. Onun fikrincə, "Bakı"ya qələbə həsrəti ilə yaşayan, hər epizodda sona qədər mübarizə aparmaq hissi ilə alışıb-yanan oyunçular lazımdır: "Ümid edirəm ki, yeni futbolçuların seçimində yanılmayacağıq. Onu da əlavə edim ki, əvəzedici komandamızdan maraq dairəsinə düşən bir neçə futbolçumuz var. Bu il çempionluq qazanan gənc futbolçularımız bizim hazırlıq planına uyğun çalışmaqda davam edirlər".
"Bakı" yeni mövsümün hazırlıqlarına iyunun sonlarından başlamaq niyyətindədir. Komanda çempionatın startınadək 2 təlim-məşq toplantısı keçirəcək. Onlardan biri Sloveniyada olacaq, digərinin yeri isə hələ məlum deyil: "İnanıram ki, planlı məşqlər və güclü rəqiblərlə yoldaşlıq ouyunları keçirərək mövsümə yaxşı hazırlaşa biləcəyik. Əsas odur ki, klubumuzu layiq olduğu mövqelərə qaytaraq. Yaxşı və pis günlərimizdə bizimlə bərabər olan, komandamızı sonadək dəstəkləyən azarkeşlərimizi ən sadiq və ən güclü tərəfdarlar hesab edirəm. Növbəti mövsümdə onları sevindirmək üçün əlimizdən gələni edəcəyik. Futbola gəlin və komandamıza arxa durun. İnanırıq ki, hər şey urəyinizcə olacaq".
Son 16 mövsümündə ilk
Noyer millinin baş məşqçisi ilə problem yaşayır?
Ötən ildən bəri zədəsi hələ də sağalmayıb
1-ci liqada 5 oyunun hakimləri açıqlandı
Azərbaycanlı idmançı "Ginnesin Rekordlar Kitabı"na düşdü
"Mançester Siti" səfərdə "Çelsi"ni darmadağın etdi
"Avrokubok matçlarını Tovuzda keçirmək istəyərdik"
"Bu cür kiçik səhvlər nəticəyə təsir göstərir" - Saşa İliç
"İmişli"nin qələbəsindən - Video
"İmişli" "Qəbələ"yə, "Turan Tovuz" "Sumqayıt"a qalib gəldi
Renat Dadaşov oynadı, komandası heç-heçə etdi
Zerbinin "Tottenhem"dəki debütü uğursuz alındı
"Sumqayıt"ın futbolçusu zədələndi
"Məyusedici məğlubiyyətlə üzləşdik" - Kaxaber Sxadadze
“Turan” Tovuza qayıtdı: yeni meydanda ilk oyun - Video
"Liverpul"un kapitanı azarkeşlərin etirazına dəstək verdi
