22:54
Azərbaycan UEFA reytinqində xal ehtiyatını bu həftə bir qədər də artırıb.
QOL.az xəbər verir ki, bu, “Qarabağ”, “Sabah” və “Araz Naxçıvan”ın avrokuboklardakı uğurlu çıxışları sayəsində mümkün olub.
Avrokubokların 2-ci təsnifat mərhələlərinin cavab matçlarında “Qarabağ” (Çempionlar Liqası) “Şelburn”a (İrlandiya), “Sabah” (Konfrans Liqası) “Petrokub”a (Moldova) qalib gəlib, “Araz Naxçıvan” (Konfrans Liqası) “Aris”lə (Yunanıstan) heç-heçə edib.
Konfrans Liqasında digər təmsilçimiz “Zirə” isə səfərdə “Hayduk”a uduzub.
Beləliklə, bu həftə üç Azərbaycan klubu ümumilikdə 2,5 xal qazanıb (təsnifat mərhələsində hər qələbəyə 1, heç-heçəyə 0,5 xal verilir). Qaydalara görə toplanan ümumi xallar hər iştirakçı ölkənin öz komandaları arasında bölündüyündən Azərbaycanın bu həftə ümumi qazancı 0,625 xal olub.
Əvvəlcədən xəbər verdiyimiz kimi, Azərbaycan bu həftə UEFA reytinqində Rusiyanı (yarışlardan qeyri-müəyyən müddətə xaric olunub) ötərək 29-cu yerdən 28-ci pilləyə yüksəlib.
Hazırda ölkəmizin ümumi xal ehtiyatı 18,750-dir. Azərbaycanın ən yaxın izləyicisi olan 30-cu pillədəki Bolqarıstanın 17,250 xalı var. Ölkəmizdən bir pillə öndə - 27-ci yerdə qərarlaşmış Ukraynanın xal ehtiyatı isə 19,225-dir.
“Qarabağ”, “Sabah” və “Araz Naxçıvan”ın gələn həftə üçüncü mərhələdə ilk oyunlarını keçirəcəyini nəzərə alsaq, xalların yenə artacağı istisna deyil.
"Barselona"da itki
"Liverpul"la razılaşdı
PSJ-yə qayıtdı
Cəlal Hüseynovun komandası qalib gəldi
17 illik "Çelsi" karyerası başa çatdı
Azarkeşlər Superkubok matçını boykot edəcək
"Qarabağ"ın rəqibi səfərdə qələbə qazandı
"Barselona"nı tərk edə bilər
"Qarabağ" cavab matçına hazırlaşır - Şəkillər
"Çempionata hazır deyilik, narahatam"
Elvin Cəfərquliyevin durumu bəlli oldu
Mareska özü seçim edəcək
