“Neftçi” klubunun müdafiəçisi Ruslan Abışovun Qol.Az saytına müsahibəsi
-İlk öncə Premyer Liqanın son turunda “Xəzər Lənkəran”la keçirdiyiniz oyun haqda fikirlərini öyrənək. Sona 3 tur qalmış çempion olsanızda, bu mövsüm əzəli rəqibiniz “Xəzər Lənkəran”a qalib gələ bilmədiniz?
-Doğrudur, qalib gələ bilmədik, ancaq bir çox oyunlarda biz onlardan daha yaxşı oyun sərgilədik. Elə sonda da çempion olaraq ən güclü klubun “Neftçi” olduğunu sübut etdik. Təkcə “Xəzər Lənkəran”la deyil, ümumilikdə çempionat ərzində keçirdiyimiz oyunlara nəzər saldıqda görmək olar ki, üstün tərəf bizik.
Çempionat oyunlarında bütün görüşlərə qələbə əzmi ilə çıxmışdıq. Ancaq “Xəzər Lənkəran”la görüşlərdə qalib gəlsəydik əla olardı. Çünki prinspial rəqiblərlə görüşdə qələbənin xüsusi yeri olur.
-Mövsüm başa çatdıqdan sonra hansısa yerli klubdan təklif almısan?
-Xeyr. Hələ heç bir təklif almamışam. Bununla belə, mən “Neftçi”nin futbolçusuyam və bütün diqqətimi də bu komandaya yönəltmişəm.
-Aldığımız məlumata görə, Almaniyanın “Köln” klubundan sənə təklif gəlib. Bu nə dərəcədə düzgündür?
-Hələ konkret bir təklif yoxdur. Sadəcə olaraq gəlib oyunumu izləyiblər və bəyənib-bəyənmədikləri haqda heç bir şey deyə bilmərəm. Onu zaman göstərəcək. Açığı mən özüm də bu haqda məlumatsız idim. Bu haqda mətbuatdan öyrəndim. Hazırda isə əsas fikrimi milli komandanın oyunlarına yönəltmişəm. Avropada oynamaq məsələsinə gəlincə bu, gələcəyin işidir.
-“Neftçi”nin heyətində Çempionlar Liqasında çıxış edərək, özünü yaxşı tərəfdən göstərib daha iddialı kluba keçmək məqsədə uyğun olardı, yoxsa təklif gələrsə məmnuniyyətlə qəbul edərdin?
-İnşallah Çempionlar Liqasındakı oyunlardan çox şey asılı olacaq. İnanıram ki, çox uğurlu çıxış edəcəyik. Bu haqda çox danışmaq istəmirəm. Mən də “Neftçi”nin Avropada öz sözünü deməsi üçün əlimdən gələni edəcəyəm. Bu həm “Neftçi”, həm də mənim gələcəyim üçün yaxşı olacaq.
İnşallah, hər şey biz istədiyimiz kimi olacaq. Baxmayaraq ki, qarşıda bizi “Visla”, “Partizan”, ”Rusenborq” və ya başqa güclü komandalarla mübarizə gözləyir. Bu “Neftçi”ni qətiyyən qorxutmur. Çünki onlara futbol oynamağı bacardığımızı sübut etməliyik. İnanıram ki, “Neftçi” Çempionlar Liqasında tarix yazacaq.
-Səfərdə sizi Qazaxıstan yığması ilə vacib bir oyun gözləyir. Belçikadan fərqli olaraq, Qazaxıstan millisi o qədər də güclü deyil. Bu oyunda hansı nəticəyə ümid etmək olar?
-Qarşımıza yalnız qalib gələrək 3 xal qazanmaq məqsədi qoyulub. Belə götürəndə qazaxlar da zəif rəqib deyil. Demək olar ki, bizimlə eyni səviyyədədirlər. Buna baxmayaraq, əlimizdən gələni edəcəyik ki, səfərdə qələbə qazanaq.
Bu qələbə eyni zamanda Almaniya millisi ilə oyunöncəsi futbolçuların motivasiyasına da müsbət təsir edəcək. İnşallah, Qazaxıstan üzərində qələbə qazanaraq Azərbaycan futbolunun 100-illiyinə gözəl bir hədiyə edərik.
-Qazaxıstanla oyundan sonra doğma meydanda 2-ci oyununa çıxacaqsınız. Bakıdakı ilk görüşdə Türkiyə yığmasına yüksək əzimkarlıq və sona qədər mübarizə aparmaq sayəsində qalib gəldiniz. Bu əzimkarlığı Almaniya ilə oyunda da görə biləcəyik?
-Əlbəttə inşallah azarkeşlərimizin dəstəyi sayəsində mənə elə gəlir ki, yaxşı oyun göstərə biləcəyik. Hər kəs bilir ki, Almaniya millisi dünyanın ən güclü komandalarından biridir. Almanlarla oyun bizim üçün heç də asan olmayacaq.
Ancaq bu futboldur, burada hər şey ola bilər.Yenə də deyirəm azarkeşlərimizin möhtəşəm dəstəyi sayəsində əlimizdən gələni edəcəyik ki, onları sevindirək. Bu oyunda ən azından heç-heçə də etmək olar. Rəqibdəın çəkinmək lazım deyil.
Renat Dadaşov "Başakşehir"ə qol vurdu
"Milan" "Yuventus"la heç-heçə etdi
İstanbul derbisində "Fənərbaxça" qələbə qazandı
"Avrokuboklara getməmək dünyanın sonu deyil" - Şahin Diniyev
"Sabah" "Səbail"i belə məğlub etdi - Video
"Mançester Yunayted"dən heç-heçə
"Sabah" "Səbail"ə qalib gəldi
Elcan Hacıyev Avropa çempionu oldu - Yenilənib
Krivostyukun komandasından qələbə
"Liverpul"dan xal itkisi
"Sabah" - "Səbail": Heyətlər
Keyn mükafat alacaq
Virtz "Bayer"də qalır
"Barselona"nın Lamin Yamal qərarı
Klopp: "Liverpul"un çempion olacağına inanmıram"
Arda "Real"da qalır, ya gedir? - Ançelotti açıqladı
Useyn Bolt Kilian Mbappe ilə yarışmaq istəyir
Konte "Napoli"yə "hə" dedi
PFL hakim təyinatlarını açıqladı
"Lester" Premyer Liqaya qayıdır
Canni İnfantino "Qarabağ"ı təbrik etdi
Arda Gülerin "Real"a qələbə qazandıran qolu - Video
"Traktor" 1/4 finalda
"Real"dan qələbə
Şahruddin "Qalatasaray"a qarşı belə oynadı - Video
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq