17:18
AFFA-nın Hakimlər Komitəsinin sədri Xaqani Məmmədov onun barəsində «Xəzər Lənkəran»ın qapıçısı Kamran Ağayevin səsləndirdiyi son ittihamlara münasibət bildirib.
Qeyd edək ki, K.Ağayev dünən verdiyi müsahibədə Xaqani Məmmədovun «Neftçi»nin çempionluğuna sevindiyini iddia edib.
Qol.Az-ın müxbiri ilə söhbətində X.Məmmədov deyib ki, artıq neçənci dəfədir K.Ağayev mətbuatda onun ünvanı qeyri-ciddi ittihamlar səsləndirir: «Mən fikirləşirdim ki, Kamran cavan uşaqdı, perspektivli qapıçıdı, danışığını bilmir, ona görə də bu adama cavab verməyi özümə sığışdırmırdım. Dünənki açıqlamasından sonra onun haqqında bir neçə kəlmə deyim ki, ünvanı səhv salmasın. O iddia edir ki, guya dünən mən «Neftçi»nin çempionluq şadyanalığına qoşulmuşam.
Sadəcə olaraq, oyun başa çatandan sonra matçın hakim-inspektoru Asim Xudiyevlə birgə vip-lojadan düşüb meydançanı içindən hakimlər otağına getmişəm. Oradakı şadyanalıqda iştirak etməmişəm. Yəqin, Kamran məni kiminləsə səhv salıb. Yox, əgər Kamranın şübhəsi varsa, o zaman atasından soruşsun ki, mən orda nə etmişəm. Çünki mənim vip-lojadan düşüb hakimlər otağına getdiyim ana qədər nə etdiyim onu atasının gözü qarşısında baş verib. Kamran bilsin ki, mən bütövlükdə Azərbaycan futbolunun və bizim klublarımızın uğurlarına sevinən adamam. Fərq etməz, «Neftçi» və ya «Xəzər Lənkəran»…»
Xaqani Məmmədov Kamran Ağayevə görə hakimlərdən xahiş də etdiyini bildirib: «Onun gənc, perspektivli və millinin futbolçusu olduğunu nəzərə alıb hətta hakimlərdən xahiş etmişəm ki, Kamranın çılğınlıqlarına güzəşt eləsinlər. İstəməmişəm ki, belə gənc yaşında ruhdan düşsün. Bəzən olub ki, ona qırmızı vərəqə də göstərmək olardı, amma hakimlər bunu etməyiblər. Amma təəssüf ki, Kamran bunları başa düşmür və bütün bunlardan sui-istifadə edir. Elə bilir ki, hamı ondan qorxur və ya hamı ona borcludu.
Kamran futbolu meyxana ilə səhv salmasın. Yaxşısı budu, elə ən son dünən qapısına qolun vurulması ilə yekunlaşan biabırçı səhvdən nəticə çıxarsın. Kamran son vaxtlar medianın ulduzuna çevrilib və futbolu yaddan çıxarıb. Dünən oyundan sonra onun hakimlərin və oyundakı rəsmi şəxslərin ünvanına yağdırdığı təhqirlər PFL-in kameralarına düşüb. Lazım olsa, bunları nümayiş etdirib Kamranın kim olduğunu camaata göstərərik» - deyə X.Məmmədov bildirib.
Anri mükafatlandırıldı
UEFA-dan AFFA-ya məktub
"Sabah"ı lider edən qələbə - Video
"Rəqiblər bizə fərqli yanaşır, qarşımızı almaq üçün əllərindən gələni edirlər" - Valdas Dambrauskas
10 dəqiqəyə 3 qol vuraraq qalib oldular
"Fənərbaxça"dan Con Durana xəbərdarlıq gəldi
"Sabah" "Qarabağ"a qalib gəldi
Türkiyəli futbolçu "Mançester Yunayted"ə keçə bilər
“Qarabağ”da ciddi itki
Stankoviç məşqçilik karyerasına geri döndü
"Barselona"nın baş məşqçisi ilə bağlı qərarı bəlli oldu
Azarkeşlərin tənqidi ucbatından klub prezidenti istefa verdi
Kenan Yıldız "Yuventus"da ayın futbolçusu seçildi
"Real"ın futbolçusu "Borussiya"nın hədəfində
"Sabah" - "Qarabağ": Heyətlər
Finalissimanın vaxtı və yeri dəqiqləşdi
“Milan”ın hücumçusu əməliyyat olunacaq
1-ci liqada 2 oyun keçirildi
Şahruddin Almaniyada əməliyyat olundu
"Liverpul"un futbolçusu "Tottenhem"lə oyunu buraxacaq
AFFA rəsmisindən mübahisəli epizodlara şərh - Video
"Mançester Yunayted"də qalır
İdman jurnalistləri arasında intellektual yarış keçirilib
Tiaqo Silva klubundan ayrıldı
"Milan" "Vest Hem"in hücumçusunu transfer edir
İngiltərə kubokunda yarımfinal cütləri məlum oldu
"Maynts" – "Samsunspor" oyununu yayımlayacaq kanallar
