18:43
“Araz-Naxçıvan”ın baş məşqçisi Elmar Baxşıyevin QOL.az saytına müsahibəsi
- Məşqləriniz necə keçir? Oyunçuların hazırkı vəziyyəti sizi nə dərəcədə razı salır?
- Futbolçuların vəziyyəti günü-gündən yaxşıya doğru gedir. Hər şey qaydasındadır. Əlimizdən gələni edirik ki, komanda qısa zamanda optimal formaya düşsün. Toplanışın gedişindən razıyam.
- UEFA Konfrans Liqasında “Aris”lə ilk oyuna qədər legionerlərin komandaya tam uyğunlaşması mümkün olacaq?
- Vaxtımız var. Yeni gələnlər də komandaya uyğunlaşırlar. İnanıram ki, “Aris”lə ilk matça qədər komanda hazır olacaq.
- “Qarabağ”dan ayrılan Patrik Andradenin “Neftçi”yə keçəcəyi deyilsə də, “Araz-Naxçıvan”a transfer olundu...
- Andrade bəyəndiyim, sərəncamımda görmək istədiyim futbolçu idi. Şadam ki, bizə qoşuldu. Komandamıza faydalı olacağını düşünürəm.
- Komandanızın əsas müdafiəçisi İqor Ribeyro avrokuboklardan sonra “Neftçi”yə qoşulacaq. Onun əvəzinə arxa xətt oyunçusu axtarırsınız?
- İqor avrokuboklarda bizimlə olacaq. Sonrasını hazırda düşünmürük. Əlbəttə, onun yerini doldurmaq fikrindəyik.
- Bəs müdafiədən başqa, hansısa mövqeni gücləndirmək fikrindəsiniz, yoxsa heyətin komplektləşdirilməsi artıq yekunlaşıb?
- Gücləndirmək istədiyimiz müdafiə xətti qalıb. Amma ümumilikdə əlavə futbolçu götürmək şansı olsa, transfer mümkündür.
- Yəqin ki, artıq “Aris”i analiz etməyə başlamısınız.
- Açığı, geniş planda analiz etməmişik. Ümumi məlumatımız var.
- Avrokuboklarda rəqib müəyyənləşəndən sonra “Aris”ə görə planlarınızda hansısa dəyişiklik oldu?
- Xeyr. Hazırda daha çox rəqib yox, öz hazırlığımız barədə düşünürük. İlk növbədə komandanı istədiyimiz formaya çatdırmalıyıq.
- Yunanıstan klubunun heyətində ümumilikdə 22 legionerləri var, onlardan da 8-i ispandır və “Barselona”, “Real” kimi klubların yetirmələridir. Məlum məsələdir ki, bütün bunlar “Araz-Naxçıvan”ın işini çətinləşdirir. Real yanaşsaq, mərhələ adlamaq şansını necə dəyərləndirirsiniz?
- Bəli, rəqibin heyəti güclüdür. Amma dediyim kimi, indiki məqamda daha çox yaxşı hazırlıq keçib, qarşıdakı matça optimal formada hazır olmaq barədə düşünürük. Rəqibə düzgün yanaşıb, uğurlu nəticəyə köklənəcəyik. Təbii ki, “Aris” adlı-sanlı rəqibdir. Bununla belə, futbolçularım ən yaxşısını etməyə çalışacaqlar.
- İlk oyunun Bakıda olması “Araz-Naxçıvan”ın əleyhinədir?
- Səfər qolu ləğv edildikdən sonra artıq müasir futbolda ilk oyunun, yaxud ikinci görüşün hansı meydanda keçirilməsi ciddi önəm kəsb etmir. Ona görə də ilk matçı evdə keçirməyin əleyhimizə olduğunu düşünmürəm.
Renat Dadaşovun komandası böyük hesabla məğlub oldu
Derbidə vurulan 6 qol - Video
Cəlal Hüseynovun "Petrolul"u xal itirdi
Haaland Premyer Liqada daha bir rekordu yenilədi
"Qarabağ" - "Neftçi" matçında heç-heçə, "Sabah"dan qələbə
“Qarabağ” və “Neftçi”yə xüsusi hədiyyə təqdim olundu
İsayevin dublu, "Sabah"ın 4 qollu qələbəsi - Video
Nərimanın komandasından növbəti qələbə
“Qalatasaray” son dəqiqə qolu ilə qələbə qazandı
Çelsi” mövsümdə ilk dəfə qapısını toxunulmaz saxladı
“Görüləsi işlərimiz çoxdur” - Yeton Bekiri
“Derbini neytral azarkeş kimi izləyəcəyəm” - Dambrauskas
Qapıçı zədələndi, xərəkdə aparıldı
"Qarabağ" - "Neftçi" matçının heyətləri açıqlandı
Sıx qrafikə görə klubun mətbuat konfransı ləğv edildi
Mourinyo Arda Gülerdən danışdı
Azərbaycan kubokunda 12 oyunun vaxtı açıqlandı
"Zirə" Gəncə Şəhidlər xiyabanını ziyarət etdi - Şəkillər
Azərbaycan klubunda baş məşqçi ayrılığı
"Qəbələ" - "Sabah": Heyətlər
Ronaldo yeni brend yaradır
Mourinyo: "Vinisiusun yerində olsaydım"
DÇ-2027-nin brendi Bakıda nümayiş olunub - Şəkillər
Cerrardın yeni klubu məlum oldu
Mbappe 500-ə çatdı
“Napoli”nin 6 oyununu buraxacaq
