“Qarabağ”ın sabiq futbolçusu üçün 1 milyon avro ödədilər

“Qarabağ”ın sabiq futbolçusu üçün 1 milyon avro ödədilər
DÜNYA FUTBOLU 18 Mart 2025 / 13:14 4230
-  A +

"Qarabağ"ın sabiq futbolçusu, hazırda Yunanıstanın  "Panserraikos" klubunda çıxış edən Luka Quqeşaşvilinin mövsümün sonunda komandasını dəyişəcəyi haqda xəbər vermişdik.

Gürcüstan millisinin üzvü yeni mövsümdən Yunanıstanın köklü klublarından olan PAOK-da çıxış edəcək.

QOL.az Yunanıstanın BMG nəşrinə istinadən xəbər verir ki, artıq 25 yaşlı qolkiper üçün təzminat məbləği də ödənilib. Saloniki təmsilçisinin gürcü qapıçı üçün onun hazırkı klubuna 1 milyon avro təzminat ödədiyi bildirilib.

Qeyd edək ki, Luka Quqeşaşvili 2022-ci ildən 2024-cü ilin yayınadək "Qarabağ"da çıxış edib. Bu mövsüm Yunanıstan Superliqasında 25 oyun keçirən Luka 5 matçda qapısını toxunulmaz saxlayıb.


Son xəbərlər
17.03.25  12:22

Zubir 300-ə çatdı