23.05.25
Xəbər verdiyimiz kimi, Avropa Liqasının Liqa mərhələsinin 1-ci turunda "Tottenhem"lə oyundan əvvəl "Qarabağ" problemlə üzləşib.
Ağdam təmsilçisi matça gedərkən 2 saatdan çox tıxacda qalıb. Bu səbəbdən Bakı vaxtı ilə saat 23:00-da başlanmalı oyun, 35 dəqiqə gec - 23:35-də start götürüb.
Həmçinin oxuyun: Məşhur insayderdən Qurban Qurbanovla bağlı paylaşım
QOL.az-ın xəbərinə görə, Britaniyanın "Daily Mail" nəşri bu problemin yaranmasının səbəbləri barədə yazıb. Qəzet bildirir ki, "Qarabağ" Londonun vahiməli tıxacına görə, oyunun əvvəlcədən nəzərdə tutulan başlama vaxtına (Bakı vaxtı ilə 23:00) yalnız 15 dəqiqə qalmış stadiona gələ bilib.
"Azərbaycan çempionu stadiondan 12 mil uzaqda bir oteldə yerləşmişdi. Amma Londonda dəmiryolu və avtomobil yollarının bağlanması səbəbindən yollar hamı, o cümlədən oyuna gedən minlərlə azarkeş üçün xaos yaratdı"- deyə yazıda bildirilib.
Həmçinin qeyd edilir ki, yayımçı şirkətin oyunu şərh etməli olan ekspertləri Piter Krauç və Qlen Hoddl maşından düşərək, güclü yağış altında stadiona piyada getməli olublar.
"Biz məcburən maşının xidmətindən imtina etməli olduq. Başımızı aşağı salıb yol aldıq. Piter qaçır, mən isə axsayaraq gedirdim" - deyə Qlen Hoddl bildirib.
"Qarabağ" Londonda tıxaca düşən ilk Avropa komandası deyil...
"Daily Mail" nəşrinin yazdığına görə, "Qarabağ" "Tottenhem Hotspur"un ətrafında tıxaca düşən ilk Avropa komandası deyil. Qəzet yazır ki, 2023-cü ildə (9 mart - red.) Çempionlar Liqasının 1/8 final mərhələsində "Tottenhem"lə oyundan əvvəl İtaliyanın "Milan" klubu da belə bir problemlə rastlaşıb.
Qəzet yazır ki, uzun illərdir "Qarabağ"a rəhbərlik edən Qurban Qurbanov bu durumdan razı deyildi. Çünki onun komandasının hazırlaşması üçün cəmi 40 dəqiqə vaxtı qalmışdı.
"Təsəvvür edin, siz tıxacda 2,5 saat yarım ilişib qalırsınız. Mən bunu məğlubiyyətə bəhanə kimi gətirmək istəmirəm. Amma belə hal baş verməməli idi. Bizi müşayiət edən polis yox idi. Bu isə açıq-aşkar futbolçularımıza çox təsir etdi. Lakin baş verənlər rəqibin qələbəsinə kölgə salmır. Onlar yaxşı komandadır. Amma tıxaca görə oyuna lazımınca hazırlaşa bilmədik" - deyə oyundan sonra Q.Qurbanov bildirib.
Xatırladaq ki, "Tottenhem" - "Qarabağ" oyunu 3:0 hesabı ilə yekunlaşıb.
Neymar əsəbiləşdi
PSJ 2 futbolçusunu satır
Ən məhsuldar final
Kubokun 10-cu sahibi
Dembele 1-ci oldu
Çempionlar Liqasının kəşfi kimdir?
Azərbaycan milisinin baş məşqçisindən çempionluq şərhi
Azərbaycan millisi dünya çempionatının qalibi oldu
"Qarabağ"ın 5 legioneri milliyə çağrıldı
Çempionlar Liqasının rəmzi komandası bəlli oldu
"Real" itki ilə üzləşdi
"Mançester Yunayted" yeni transferini açıqladı
Tovuzda voleybol Festivalı keçirildi
"Fənərbaxça" 16 yaşlı vingerlə razılaşdı
PFL-dən Uşaqların Beynəlxalq Müdafiəsi Gününə özəl - Video
"Mançester Siti" onun üçün 30 milyon avro ödəyir
Ter Ştegen "Barselona"dan gedir, ya qalır? - Özü açıqladı
"Şamaxı"nın legioneri milliyə cağrıldı
"Bayer"dən yeni transfer
UEFA PSJ-ni cəzalandıracaq
"Sabah"ın Avropa Liqasındakı mümkün rəqibləri bilindi
PSJ azarkeşlərindən diqqətçəkən pankart
Messidən dubl və 2 qol ötürməsi - Video
Parisdə 300-ə yaxın azarkeş həbs edildi
