09.01.25
“Şamaxı”nın hücumçusu Leroy Mikelsin QOL.az saytına müsahibəsi
- Misli Premyer Liqasının 5-ci turu çərçivəsində “Neftçi” ilə qolsuz bərabərliyə qaldınız. Bu heç-heçəni necə şərh edərdiniz?
- Çətin oyun alındı. Yaxşı çıxış etdik. Hesab açmaq üçün şanslarımız oldu. Təəssüf ki, onlardan yararlana bilmədik.
- Necə düşünürsünüz, bu matçda "Şamaxı” 1 xal qazandı, yoxsa 2 xal itirdi?
- 2 xal itirdik. Düzdür, “Neftçi”nin də fərqlənmək üçün şansları oldu. Amma biz qələbəyə daha yaxın idik.
- Hazırda “Şamaxı” yaxşı formadadır. “Zirə”ni məğlub etdiniz, “Neftçi”dən xal aldınız. Belə məqamda çempionatda fasilə yaranması komandanızın əleyhinə olmayacaq?
- Ümid edirəm ki, fasilənin ziyanı olmayacaq. Bu müddətdə həm istirahət edəcəyik, həm də qarşıdakı matçlara daha yaxşı şəkildə hazırlaşacağıq.
- Komandaya gec qoşulsanız da, qısa müddətdə adaptasiya ola bildiniz. Bu, xarakterinizdən irəli gəlir, yoxsa “Şamaxı”dakı ab-hava ilə bağlıdır?
- Məncə, bunda dediyiniz hər iki amilin rolu var. Məşqçi işi də xüsusi əhəmiyyətə malikdir. Ayxan Abbasov mənim transferimi çox istəyirdi.
- “Neftçi” ilə matçda “Şamaxı” ilk dəfə doğma azarkeşlər önündə meydanda çıxdı. Yerli publika barədə təəssüratlarınız necədir?
- Azarkeşlərin dəstəyi çox gözəl idi. Açıq deyim ki, stadiona bu qədər azarkeşin gəlməsinə yaxşı mənada təəccübləndim. Fanatlar bizə çox yaxşı dəstək verirdilər.
- Təəccüblənməyiniz yəqin ki, Bakıdakı oyunlara görədir...
- Bəli. Məsələn, ötən tur “Zirə” ilə səfərdə qarşılaşırdıq. “Zirə” böyük komandadır, avrokuboklarda inamlı çıxış etdi. Lakin ev oyununda stadiona çox az sayda azarkeş toplaşmışdı. Buna görə də Şamaxıdakı azarkeş sayı məni təəccübləndirdi.
- Misli Premyer Liqasında sizi başqa nə təəccübləndirib?
- Oyunların tempini qeyd edə bilərəm. Çünki televizorda izləyəndə tamam fərqli hisslər yaşayırsan. Amma realda görürsən ki, temp daha yüksəkdir.
- “Sabah”la oyunu nə dərəcə səbirsizliklə gözləyirsiniz?
- Çox səbirsizliklə gözləyirəm (gülür). Daha əvvəl qardaşıma qarşı 2 dəfə oynamışam və hər ikisində uduzmuşam. Amma bu dəfə fərqli nəticə üçün əlimdən gələni edəcəyəm.
- Yəni, meydana revanş üçün çıxacaqsınız?
- Bəli. Qardaşımdan daha çox qol vurmaq üçün çalışacağam.
- Azərbaycana gəlməyinizdə qardaşınız - Coy Lens Mikelsin nə dərəcə rolu oldu?
- Qardaşım Azərbaycanı çox sevir. Məhz bu səbəbdən də “Sabah”a geri qayıtdı. Ötən il mən də Bakıda olmuşdum. Azərbaycanı çox bəyənmişdim. Ona görə də “Şamaxı”dan təklif gələndə çox düşünmədim.
“Qalatasaray”dan gözlənilməz xal itkisi
“Bu cür hallar 100 ildir davam edir”
Vadji “Qarabağ”a qayıda bilərmi?
"Qarabağ"ın "Şamaxı" üzərində qələbəsindən - Video
Qurban Qurbanov vacib mövzularla bağlı sual atəşinə tutuldu
AFFA-da Fatih Tekkeyə vəzifə verilir?
“Yəqin ki, “Qarabağ”dan xal almaq son oyuna qaldı”
Azərbaycanda 2025-ci ilin ilk oyunundan maraqlı - Fotolar
“Qarabağ” qələbə ilə başladı
"Barselona" onunla yeni müqavilə imzalayacaq
Belçika millisi baş məşqçisi ilə yollarını ayırdı
Toral Bayramov mükafatlandırıldı- Şəkillər
Endrik: "Ançelotti nə etdiyini bilir"
"Qarabağ" - "Şamaxı" matçı üçün - Heyətlər
Türkiyənin tanınmış futbol adamları Bakıda - Şəkillər
Sabiq "Qalatasaray"lı Acunun klubunda
A seriyasında ən yaxşı məşqçi seçildi
"Atletiko"nun hücumçusunu birdəfəlik transfer etdilər
3 həftəlik sıradan çıxdı
"Real"ı fitə basdılar, Ançelotti bunları dedi
Kimə ümid bəsləyib, kimə bel bağlayasan, Ayxan Abbasov?
Haaland daha 9,5 il "Mançester Siti"də - Yenilənib
“Beşiktaş”dan baş məşqçi məsələsi ilə bağlı rəsmi açıqlama
Dibala hamını qabaqladı
3 oyun, 3 qol, 3 qol ötürməsi və ayın ən yaxşısı
Neymar niyə "Barselona"dan PSJ-yə keçib?
