AFFA Azərbaycan - Almaniya oyununun gec saatda başlamasına aydınlıq gətirdi

AFFA Azərbaycan - Almaniya oyununun gec saatda başlamasına aydınlıq gətirdi
ÖLKƏ FUTBOLU 6 Aprel 2011 / 14:14 2996
-  A +

AFFA Avro-2012-nin seçmə mərhələsi çərçivəsində iyunun 7-də keçiriləcək Azərbaycan - Almaniya oyununun gec saatda başlanmasına aydınlıq gətirib. Qurumun İnformasiya və İctimaiyyətlə Əlaqəlar Departamentinin rəhbəri Mikayıl Nərimanoğlunun Qol.Az-a verdiyi məlumata görə, matçın başlama vaxtının saat 22:00-a təyin olunması reklam məsələsi ilə əlaqədardır.

«Reklam sifarişi verən şirkətlər bu oyuna marağın və göstərilən vaxtda televiziya qarşısında auditoriyanın çox olacağını nəzərə alaraq matçın 22.00-da başlamasını xahiş ediblər. Millinin ev oyununun əvvəlki matçlardan bir saat gec başlaması da məhz bununla əlaqədardır. Qeyd etmək yerinə düşər ki, oyunun saat 22.00-a təyin edilməsinə görə reklamların sayı da çox olacaq və AFFA bundan xeyli gəlir götürəcək» - deyə M.Nərimanoğlu bildirib.

«Bəs, gecə saat 23.45-də bitən matçdan sonra azarkeşlərin nəqliyyat vasitələri ilə bağlı problemi meydana çıxmayacaq ki» sualına cavab olaraq M.Nərimanoğlu deyib ki, həmin saatlarda metro işləyəcək, eyni zamanda yay olduğundan avtobuslar da vətəndaşların ixtiyarında olacaq: «Bu mənada, azarkeşlərin problemlə üzləşəcəyini düünmürəm».

Daha çox


Son xəbərlər