Fatih Terim həm tənqid etdi, həm də dəstək oldu

Fatih Terim həm tənqid etdi, həm də dəstək oldu
AVRO-2024 23 İyun 2024 / 11:10 6097
-  A +

Türkiyə millisinin sabiq baş məşqçisi Fatih Terim komandanın Avro-2024-ün 2-ci turunda Portuqaliyaya 0:3 hesabı ilə uduzduğu matç haqqında danışıb.

QOL.az xəbər verir ki, "beIN SPORTS" telekanalında oyunu dəyərləndirən təcrübəli mütəxəssis komandada müəyyən boşluqlar olduğunu bildirib:

"Portuqaliya topa daha çox sahib idi. Millimiz müdafiə olunarkən nə bloklar arasındakı boşluqları bağlaya bildi, nə də ötürmələri edə bildi. Portuqaliya daha çox qol vura bilərdi. Bunu qəbul etməliyik. Bəli, Gürcüstanla oyunda qələbə və gözəl qollar oldu, amma o görüşdə etdiyimiz səhvlər bizi daha diqqətli olmağa dəvət etməli idi. Ancaq mən belə diqqət görmədim".

Fatih Terim onu da bildirib ki, milli komandaya dəstək olmaq lazımdır: "Məşqçimizə və komandamıza güvənirik. Bu etimadı turnir başa çatana qədər, fərdi olaraq heç kimi günahlandırmadan, səmimi şəkildə göstərməliyik. İnsanlar pis gündə tanınır. Bizim də pis günümüz olub. İndi də məşqçimizə və komandamıza kömək etməliyik.  Portuqaliyaya hər komanda məğlub ola bilər".

Qeyd edək ki, Türkiyə millisi 2 oyundan sonra 3 xalla F qrupunda 2-ci pillədədir. Komanda qrupda sonuncu oyununu iyunun 26-da Çexiyaya qarşı keçirəcək.

Daha çox


Son xəbərlər
20.07.24  09:42

Lukaku "Napoli"də