13:22
Tarixində ilk dəfə bu mövsüm Almaniya çempionu olan "Bayer-04" həm də məğlubiyyətsiz oyunlar seriyasını davam etdirməkdədir.
Məlum olduğu kimi, Xabi Alonsonun komandası 2023/24 mövsümündə bir oyunda da uduzmayıb.
QOL.az xəbər verir ki, halbuki buna yaxın olduğu matçlar da olub. Məsələn, elə Azərbaycan çempionu "Qarabağ"la son 2 Avroliqa oyununda (1/8 final) Leverkuzen təmsilçisi hesabda 2 dəfə geri düşsə də, son dəqiqədə vurduğu qol və ya qollarla ya məğlubiyyətsən xilas olub, ya da qələbəni təmin edib.
Aprelin 21-də Almaniya bundesliqasının "Borussiya"ya (Dortmund) qarşı görüşündə də "Bayer 04" hesabda geridə olub. Lakin maraqlıdır ki, yenə son dəqiqədə (90+7) Stanişiçin vurduğu qol sayəsində məğlubiyyətdən qaça bilib. Beləliklə də onlar bu mövsüm uduzmadıqları oyun sayını 45-ə çatdırıblar (bütün turnirlərdə).
Maraqlıdır ki, "Bayer" bu mövsüm düz 15 dəfə 90 və ya sonrakı dəqiqələrdə rəqib qapısına yol tapıb (2 dəfə 90-cı, 13 dəfə isə 90+ dəqiqələrdə).
Bu qollardan 4-ü isə "Qarabağ"ın qapısına vurulub. Onlar Bakıdakı qrup matçında 1 dəfə (Viktor Bonifeys, 90+4 -cü dəq. penaltidən), 1 dəfə 1/8 finalın ilk oyununda (Patrik Şik, 90+2) və həmin mərhələnin Leverkuzendəki cavab qarşılaşmasında 2 dəfə (Patrik Şik, 90+3, 90+7) son dəqiqələrdə Ağdam klubunun qapısına yol tapıblar.
"Bayer" bu mövsüm "Qarabağ"dan sonra son dəqiqələrdə ən çox 2 dəfə isə "Bavariya"nın qapısından top keçirib. Onlar bir matçda 90+4, digər görüşdə isə 90+5-ci dəqiqədə Münhen komandasının qapısına qol vurublar.
"Bayer"in bu mövsüm 90 və ya 90+ dəqiqələrdə qol vurduğu komandalar:
"Tevtoniya Ottenzen" - 90-cı dəqiqə
"Bavariya" - 90+4-cü dəqiqə
"Zandhauzen" - 90+2-ci dəqiqə
"Qarabağ" - 90+4-cü dəqiqə
"Auqsburq" - 90+4-cü dəqiqə
"RB Leyptsiq" - 90+1-ci dəqiqə
"Bavariya" - 90+5-ci dəqiqə
"Ştutqart" - 90+1-ci dəqiqə
"Qarabağ" - 90+2-ci dəqiqə
"Qarabağ" - 90+3-cü, 90+7-ci dəqiqə
"Heffenhaym" - 90+1-ci dəqiqə
"Vest Hem" - 90+1-ci dəqiqə
"Verder" - 90-cı dəqiqə
"Borussiya" (Dortmund) - 90+7-ci dəqiqə
QOL.az
_22.01.19.jpg)
PSJ Hakimi ilə razılaşdı
Qvardiolanın yeni müqaviləsinin detalları bəlli oldu
İtaliya A Seriyasında xüsusi transfer pəncərəsi
"Kəpəz"in daha bir futbolçusu əməliyyat olundu
"Qəbələ" növbəti yoxlama oyununu keçirdi
Endrik gedir, ya qalır?
İngiltərə nəhəngləri türkiyəli futbolçu ilə maraqlanırlar
Mourinyo Ronaldonu "Fənərbaxça"ya dəvət etdi
“Qarabağ”ın kapitanı “Lion”la oyunu buraxacaq
Messi Barselonaya niyə gedir?
Kapitan 1 ildə 5-ci dəfə zədələndi
PSJ güclü qar altında məşq etdi - Video
"Milan"da 5 illik müqavilə
