“Araz-Naxçıvan”ın yarımmüdafiəçisi Vadim Abdullayevin QOL.az saytına müsahibəsi
- Misli Premyer Liqasının 31-ci turunda “Səbail”ə 0:2 hesabı ilə uduzdunuz və bununla da qələbəsiz oyunlar seriyası 9-da çatdı...
- Məğlubiyyət çox üzücüdür. Uduzanda adam danışmağa söz tapa bilmir. Məğlubiyyət hər birimizə pis təsir edir. Desəm ki, pis oynayırıq, rəqiblər bizi tam üstələyir, belə deyil. Qışdan sonra maksimum 2-3 görüşdə rəqibdən geri qalmışıq. Gəl ki, yaxaladığımız qol epizodlarını qola çevirə bilmirik. Təbii ki, “Səbail” də keyfiyyətli oyunçulara sahibdir və onlar şanslarını dəyərləndirirlər. Bilmirəm hücumçuların “dişsizliyi” deyim, ya nə. Bircə onu bilirəm ki, məğlubiyyət çox üzücüdür. Təkcə “Səbail”lə oyun deyil. Əksər görüşlərimiz belə keçir.
- Qeyd etdiyiniz ki, oyun planında rəqiblərdən geri qalmırsınız. Bəs problem nədədir?
- Oyun cəhətdən problem olsa, başa düşərəm. Deyərəm pis oynayırıq, ona görə də uduzuruq. Amma həqiqətən də pis oynamırıq. Rəqiblər də qapımız qarşısında çoxlu qol epizodu yaratmırlar. Əksər qarşılaşmalarda biz daha çox qol şansı qazanırıq. Lakin hücumda “dişsizlik” var, şanslarımızdan istifadə edə bilmirik. Rəqiblərsə öz imkanlarını dəyərləndirirlər və qələbə qazanırlar.
- Bəlkə ardıcıl uğursuz oyunlardan sonra ab-hava qaydasında deyil?
- Xeyr, hər şey qaydasındadır, komandada mehribançılıq var. İstər legionerlər olsun, istər yerlilər, hamı oyunlara köklənir. Bu dəqiqədə bizdən çox qələbəni istəyən yoxdur. Məşqlərdə də əlimizdən gələni edirik. Lakin hər dəfə alınmır. Görünən odur ki, nəsə çatışmır.
- Ara-sıra mətbuatda komandada maddi baxımdan problem olduğu barədə xəbərlər yer alır. Bəlkə problem elə maliyyədədir?
- Komandada maliyyə problemi yoxdur, olmayıb da. Uduzuruqsa, bunun tək günahkarı biz futbolçularıq. Maaşlarımızı həmişə vaxtında alırıq. Məvacibini vaxtında alan futbolçu da meydana çıxırsa, nəticə verməlidir. Təəssüf ki, biz son oyunlar bunu bacarmırıq.
- Elmar Baxşıyevin gəlişi komandada nəyi dəyişib?
- Elmar müəllim bacarıqlı mütəxəssisdir. “Qəbələ”də nəyə qadir olduğunu göstərib, ölkə kubokunu da qazanıb. Hər məşqçinin öz sistemi var və o da öz sistemini aşılamağa çalışır. Biz də əlimizdən gələni edirik ki, onun tapşırıqlarını meydanda yerinə yetirək.
- Belə çıxır ki, zaman lazımdır...
- Bəli. Düzdür, mövsümün sonuna cəmi 5 tur qalıb. Ümid edirəm ki, tezliklə vəziyyət düzələcək. Biz də istəyirik ki, qələbə qazanaq, əziyyətimizin bəhrəsini görək. Uduzandan sonra danışmaq çox çətindir.
- Artıq avrokuboklar şansınız yoxdur. Bu halda son 5 tura necə motivasiya olacaqsınız?
- İndiki məqamda bizim üçün motivasiya imic, qələbə qazanmaqdır. Ardıcıl oyunları uduzan komanda üçün bir motivasiya var - o da qələbədir. Heç kim meydana uduzmaq üçün çıxmır.
- Növbəti tur “Zirə” ilə qarşılaşacaqsınız. Həmin matçda uğursuz seriyaya son qoymaq mümkün olacaq?
- “Zirə” ilə görüşə 100 faiz qələbə üçün çıxacağıq. Ümumiyyətlə, son 5 oyunun hamısında qalib gəlmək istəyirik, rəqib kim olur-olsun. Futbolçu meydana qələbə üçün çıxmırsa, özünü psixoloji olaraq rəqibdən zəif görürsə, gərək başqa işlə məşğul olsun. Hər birimiz şəxsiyyətik, futbolçuyuq, pul alırıqsa, haqqını verməliyik. Hər şeyimizi meydanda qoymalıyıq. Elə mübarizə aparmalıyıq ki, matçdan sonra gəzməyə hal olmasın.
"Şamaxı" serbiyalı futbolçu transfer etdi
Olimpiadanın açılış mərasimindən - Şəkillər
Azərbaycan nümayəndə heyəti paraddan keçdi - Paris-2024
"Turan Tovuz" Türkiyə toplanışını başa vurdu
"Zaqatala"dan ayrıldı, Belarus klubuna keçdi
"Kəpəz" 4 qolla qalib gəldi
Hummelsə rəsmi təklif göndərdilər
Bentekedən növbəti dubl, "Şamaxı"dan qələbə
Parisdə 500 min avroluq qarət
"Çelsi"nin futbolçusu Fransa klubuna keçdi
"Mançester Siti" yeni formasını təqdim etdi - Şəkillər
UEFA-dan azərbaycanlı FİFA referisinə yeni təyinat
"Sabah" legioneri ilə yolları ayırdı
Drondan istifadə etdi, istefaya göndərildi
"İmişli"dən ayrılan futbolçu 2-ci liqa klubunda
"Napoli"dən "Everton"a
UEFA Superkuboku oyununun hakimi bilindi
AFFA Hakimlər Komitəsinə əcnəbi mütəxəssis sədr təyin olundu
"Atletiko"ya qayıtdı, amma komandadan ayrı məşq edəcək
“Fehervar”dan heç də zəif deyilik" - Rövlan Muradov
"Barselona" böyük transferlər edə bilər"
Pepe karyerasını başa vurur
"Arsenal" PSJ ilə danışıqlara başladı
"Bizi səfərdə çox çətin oyun gözləyir" - Eldar Quliyev
Bu gün 33-cü Yay Olimpiya Oyunlarının açılışı olacaq
Boksçularımızın Paris-2024-dəki ilk rəqibləri bilindi
“Sabah”ın möhtəşəm qələbəsinin - Videosu
Azərbaycan UEFA reytinqində irəlilədi
Sumqayıtda 1 qırmızı vərəqə, 3 qol - Video
“Sabah”ın potensial rəqiblərinin oyununda irlandlar sevindi
"Zirə"dən 4 cavabsız qol - Video
“Zirə”nin potensial rəqiblərinin oyununda 6 qol vuruldu
“Hələ heç nə həll olunmayıb” - “Sabah”ın baş məşqçisi
"Sabah"ın qələbəsi - Şəkillər
"DAK 1904"ün baş məşqçisi üzr istədi
"Rəqib amansız mübarizə aparacaq" - Rəşad Sadıqov
"Fehervar"ın baş məşqçisi: "Rahat qələbə qazanmadıq"
"Sabah" "Makkabi"yə böyük hesabla qalib gəldi
"30 faizlik şansımızdan bərk yapışacağıq" - Samir Abasov
"Zirə" Konfrans Liqasına darmadağınla başladı
"Sumqayıt" "Fehervar"a uduzdu
Azərbaycanın daha bir millisi Ermənistanı məğlub etdi
"Makkabi" - "Sabah" oyunu üçün heyətlər açıqlandı
Azərbaycan millisi Ermənistana qalib gəldi