Azərbaycanın U-19 millisi Lüksemburqa uduzub qrup sonuncusu oldu

Azərbaycanın U-19 millisi Lüksemburqa uduzub qrup sonuncusu oldu
ÖLKƏ FUTBOLU 21 Noyabr 2023 / 23:00 3154
-  A +

19 yaşadək futbolçulardan ibarət Azərbaycan millisi bu gün Avropa çempionatının seçmə mərhələsində növbəti oyununa çıxıb.

QOL.az xəbər verir ki, Aqil Nəbiyevin baş məşqçisi olduğu komanda 11-ci qrupdakı sonuncu matçında səfərdə Lüksemburqla qarşılaşıb. Görüş Lüksemburqun 2:1 hesablı qələbəsi ilə başa çatıb. Millimizin heyətində 84-cü dəqiqədə Şahin Şahniyarov fərqlənib. 

Beləliklə, 3 oyundan sonra cəmi 1 xal toplayan Azərbaycan millisi elit-raunda vəsiqə qazana bilməyib.

Qeyd edək ki, U-19 millimiz bundan əvvəl Bosniya və Herseqovina ilə 0:0 hesablı heç-heçə edib, Niderlanda 1:2 hesabı ilə uduzub.

Avro, seçmə mərhələ

21:00. Lüksemburq - Azərbaycan - 2:1

21:00. Bosniya və Herseqovina - Niderland - 0:3

Xal durumu: Niderland - 9, Bosniya və Herseqovina - 4, Lüksemburq - 3,  Azərbaycan - 1

 

Daha çox


Son xəbərlər
10.12.23  23:08

"Bayer"dən heç-heçə

10.12.23  10:30

Ey, Pep, oyan!

09.12.23  21:22

"Real"dan xal itkisi