"Avro-2024"ə biletlər bu qiymətə olacaq - UEFA açıqladı

"Avro-2024"ə biletlər bu qiymətə olacaq - UEFA açıqladı
AVRO-2024 14 Sentyabr 2023 / 11:17 3166
-  A +

UEFA "Avro-2024" üçün biletləri satışa çıxarmağa hazırlaşır.

Qol.az xəbər verir ki, bu haqda qurumun yaydığı açıqlamada bildirilib.

Bu ilin oktyabr ayından başlayaraq çempionatın rəsmi saytı vasitəsi ilə bilet üçün sifariş vermək mümkün olacaq. UEFA bildirib ki, biletər yalnız euro2024.com/tickets bölümündən onlayn formada sifariş edilə bilər. Final mərhələsinə 2,7 milyon bilet satışa çıxarlılacaq. Qrup matçları üçün bir biletin qiyməti 30 avrodan başlayır. 1 milyondan artıq biletin qiyməti 60 avrodan ucuzdur. 

3-26 oktyabr tarixində 1,2 milyon biletin satışa çıxarılacağı bildirilib. Daha 1,5 milyon bilet isə dekabrın başlayaraq satışda olacaq. Bu biletlər Avro-2024-ün iştirakçı komandalarının azarkeşləri üçün nəzərdə tutulub.

Ümumilikdə biletlərin qiyməti sektorlarından asılı olaraq aşağıdakı kimi olacaq 

- qrup oyunları üçün - 30, 60, 150, 200 avro 

- açılış oyunu üçün - 50, 195, 400, 600 avro

- 1/8 final mərhələsi üçün - 50, 85, 175, 250 avro

- 1/4 final mərhələsi üçün - 60, 100, 200, 300 avro

- 1/2 final mərhələsi üçün - 80, 195, 400, 600 avro

- Final üçün - 95, 300, 600, 1000 avro


Son xəbərlər
14.06.24  16:24

"Sabah"da ayrılıq