03.02.26
Azərbaycanın aparıcı idman portalları «Neftçi» klubunun vitse-prezidenti Tahir Süleymanovla bağlı yazılara qadağa qoyublar. Qol.Az-ın əldə etdiyi məlumata görə, son vaxtlar Süleymanovun adının idman saytlarında, eləcə də bəzi mətbuat orqanlarında az-az hallanması və ya ümumiyyətlə hallanmaması məhz bunun nəticəsidir.
Məlumatda qeyd olunur ki, jurnalistlərin belə bir addım atmasına Süleymanovun media mənsublarına qarşı qeyri-səmimi münasibəti səbəb olub. O da bildirilir ki, Antalyada təlim-məşq toplanışında olarkən bir qrup jurnalistin «Neftçi»nin düşərgəsinə baş çəkərkən Süleymanovun qonaqpərvərlikdən uzaq davranışı münasibətlərin daha da soyumasına gətirib çıxarıb. Əldə etdiyimiz məlumata görə, "Neftçi"nin Kiyev «Arsenal»ı ilə yoxlama görüşü zamanı həmkarlarımızın klub rəsmilərinin yaxınlığında əyləşməsi Süleymanovun bərk narahatlığına səbəb olub. Amma nəyə görə? Bunu kimsə izah edə bilməyib.
Həm bu, həm də buna qədər olan hadisələrə görə jurnalistlərin bəziləri yazılar və xəbərlərdə ümumiyyətlə, Tahir Süleymanovun adını çəkməmək qərarına gəliblər.
Bu səbəbdən media mənsubları «Neftçi»yə aid məsələləri artıq vitse-prezidentdən deyil, jurnalistlərə qarşı isti və səmimi münasibəti olan klubun prezidenti Sadıq Sadıqov və Mətbuat və İctimaiyyətlə Əlaqəlar Departamentinin rəhbəri Elnur Əşrəfoğludan dəqiqləşdirirlər.
Mətbuatın Süleymanovun personasına çox diqqət göstərməməsinə digər səbəbi kimi isə onun hətta qeyri-rəsmi söhbətlərdə belə özünü çox soyuq və rəsmi aparması, media nümayəndələrinə qaynayıb-qarışmaması göstərilir.
Süleymanovla bağlı embarqonun nə vaxta qədər davam edəcəyi isə bilinmir.
Qol.Az-ın əldə etdiyi məlumata görə, aparıcı idman saytları hələ uzun müddət bununla bağlı qərarlarını dəyişmək niyyətində deyillər.
Qeyd edək ki, bu xəbərin dəqiqliyini təsdiq edən ən son hadisə bu yaxınlarda baş verib. Belə ki, «Xəzər Lənkəran»la oyundan əvvəl «Neftçi» rəhbərliyi, məşqçilər və futbolçuların azarkeşlərlə görüşündən bəhs edən və klubun rəsmi saytının yaydığı xəbərdə jurnalistlər Süleymanovun adını ixtisar ediblər.
“Turan Tovuz” 30-cu oldu
Nəriman Axundzadənin ABŞ klubuna transferi rəsmiləşdi
Eminin "Neftçi"yə qələbə qazandıran qolu - Video
Laportanı fırıldaqçılıqda ittiham etdi
"Desələr “Qarabağ”la oynayın, oynayacağıq" - Yuri Vernidub
Qvardiola onu ən yaxşı baş məşqçi adlandırdı
“Neftçi” "Qəbələ"yə, "Qarabağ" "Şamaxı"ya qalib gəldi
"Karyeramın ən ağır mövsümü ilə üz-üzəyəm"
Karvaxal "Real"dan gedir?
"Turan Tovuz"dan yeni transfer
Ramazan bayramına görə matçların vaxtı dəyişdirildi
"Milan"a keçidi baş tutmayan Mateta əməliyyatdan imtina etdi
Penalti nöqtəsini qazdı, rəqib qol vura bilmədi - Video
"Real" imtina verdi, "Mançester Siti" fürsəti qaçırmadı
"Əl-Nəsr" Ronaldonun tələblərini yerinə yetirməyə başladı
Qurban Qurbanov: “Nəriman özündə deyildi, getməsi lazım idi”
"Neftçi" - "Qəbələ": Heyətlər
