09:25
«Milli komandaya çağırılmamağımı normal qarşıladım. Futboldu da, bir gün çağırarlar, bir gün yox. Seçimi baş məşqçi aparır və onun da işinə heç kim qarışa bilməz». Bu sözləri Qol.Az-a milli komandamızın Almaniyadakı təlim-məşq toplanışına çağırılmayan «İnter»in yarımmüdafiəiçisi Elvin Məmmədov deyib. Elvinin həm millidəki, həm də klubdakı məşqçisi Elxan Abdullayev futbolçunun fiziki cəhətdən zəif olduğunu əsas gətirərək, bu dəfə millidən kənar qaldığını bildirib. Elvin məşqçinin fikrini düzgün qəbul edir: «Hər halda məşqçilər bizdən daha yaxşı bilirlər. Əgər deyirlərsə, fiziki durumum zəifdir, deməli həqiqətən də belədir. Mən nə edə bilərəm ki? Seçimi onlar aparır və kim güclüdürüsə, kim daha hazırlıqlıdırsa, məşqçi də onu milli komandaya dəvət edir. Görünür, hazırkı vəziyyətdə mənim durumum onları qane etmədiyindən milliyə çağırmamağı məqsədəuyğun hesab ediblər».
E.Məmmədov klubda ehtiyatda qalmasına da münasibət bildirib: «Vallah, nə deyə bilərəm? Hamı kimi, mən də oynamaq, start heyətində yer almaq istəyirəm. Amma futbolda belə hallara normal baxıram. Yəqin komanda yoldaşlarım məndən güclüdürlər ki, ehtiyatda oturmalı oluram».
«İnter»də ehtiyatda, millidən isə kənarda qalmasına baxmayaraq, E.Məmmədov gələcəyə nikbin baxır: «Bundan sonra üzərimdə daha çox çalışmalıyam. Formamı bərpa edib, daha da güclü çıxış etmək üçün məşqlərdə bütünü gücümü qoyacağam. İnanıram ki, tezliklə daha da yaxşı forma yığaraq, həm «İnter»in əsas heyətində, həm də milli komandadakı yerimi qaytaracağam».
Sonda gənc futbolçu qarşıdan gələn Rusiya ilə oyunda meydana çıxmaq arzusunda olduğunu söyləyib: «Hər bir azərbaycanlı futbolçu kimi mən də ruslara qarşı forma geymək istəyirəm. Bu oyun bizim üçün çox önəmlidir. Həmin gün meydanda olmağı çox arzulayıram. Əgər ruslara qarşı oynasam, var gücümlə meydanda «vuruşacağam».
E.Məmmədov milli komandamızın hətta Rusiya ilə oyunda sürprizə imza atmaq iqtidarında olduğunu da düşünür: «Futbolda hər şey mümkündür. Biz hətta ruslara qalib də gələ bilərik. Bunun üçün isə meydanda sona qədər oynamaq və gücümüz tükənənə qədər can qoymaq lazımdır».
Millidən kənarda qalan «İnter»in digər gənc futbolçusu Cavid Hüseynov isə məsələyə münasibət bildirmək istəməyib.
"Napoli"də qalır
"Milan"dan yeni transfer
"Liverpul" 20 nömrəli formanı dövriyyədən çıxardı
İtaliyanın tarixi klubu peşəkar turnirlərdən kənarlaşdırıldı
"Şamaxı" "İmişli" ilə də qarşılaşacaq
"Sabah"ın Avstriyadakı yoxlama oyununda 6 qol vuruldu
Şahruddin, neynirsən sən?! - Video
"Komo" almaniyalı vingerlə razılaşdı
Keçmiş futbolçusunun ölümünə belə reaksiya verdi
"Napoli"dən La Liqaya
"Mingəçevir" iki futbolçusu ilə yollarını ayırdı
“Araz-Naxçıvan”ın "Aris"lə oyunlarının hakimləri
“Araz-Naxçıvan”ın ÇL-dəki rəqibləri müəyyənləşdi
AFFA “Qəbələ”yə ayırdığı pulu açıqladı
"Beşiktaş" Türkiyə millisinin üzvü ilə müqavilə imzaladı
Asif Məmmədov məşqçiliyə başlayıb
UEFA-dan 1 dəqiqəlik sükut qərarı
"Milan" səfər formasını təqdim etdi - Şəkillər
"Daha iddialı olmağa çalışacağıq" - "Turan Tovuz"un kapitanı
AFFA-nın baş katibinə yeni müavin təyin olunub
Azərbaycan klubu 7 futbolçu ilə yollarını ayırdı
"Qarabağ" Avstriyada ilk məşqinə çıxdı - Şəkillər
Jotanın faciəvi ölümünə səbəb olan qəzanın - Təfərrüatları
"Kəpəz"in iki rəqibi açıqlandı
"Liverpul"un məşhur futbolçusu faciəvi şəkildə həlak oldu
