02.11.24
Son mövsümü “Kəpəz”də keçirən Fərid Nəbiyev Qol.az saytına müsahibə verib.
- “Turan Tovuz”la anlaşdığın deyilir...
- Xeyr, hələ ki heç bir klubla anlaşmamışam. Düzdür, “Turan Tovuz”dan təklif almışam. Amma başqa 3-4 klub da var. Eləcə də ölkə xaricinə getməyim də mümkündür. Hazırda danışıqlar gedir. Ən yaxşı təklif hansı olsa, onu da dəyərləndirəcəm.
- “Turan Tovuz”dan başqa təklif aldığın digər klubların adlarını açıqlaya bilərsən?
- 3-4 klubdan təklif var. Amma ad açıqlamağım düzgün olmaz. Hazırda danışıqlar gedir.
- Səninlə maraqlanan klublar arasında qardaşın Yusifin transfer olduğu “Səbail” var? Yeni mövsümdə Nəbiyev qardaşlarını yenə eyni klubda görə biləcəyik?
- Xeyr. Böyük ehtimalla bu dəfə ayrı-ayrı klublarda olacağıq.
- Bayaq qeyd etdin ki, ölkə xaricindən də təklif var. Daha əvvəl çıxış etdiyin Çexiyaya yenidən qayıtmağın mümkündür?
- Xeyr, Çexiyadan hər hansı bir təklif almamışam. Hələ ki, ora qayıtmaq barədə düşünmürəm. Yəqin ki, 10 gün ərzində hər şey rəsmiləşəcək və yeni klubumun adı məlum olacaq.
- Sonda sabiq klubun “Kəpəz”in baş məşqçi məsələsi ilə bağlı fikirlərini öyrənmək istərdik. Son mövsümdə Gəncə klubunun aparıcı üzvlərindən idin. “Kəpəz”in Tərlan Əhmədovla yollarını ayırması sənin üçün nə dərəcədə gözlənilməz oldu?
- Komandanı sıfırdan bu yerə gətirən məşqçi nə olur olsun ən yaxşı tərifə layiqdir. Mən də Tərlan müəllimlə bir yerdə işlədiyimə görə çox şad oldum. Tərlan Əhmədov çox güclü məşqçidir. Ona uğurlar arzu edirəm. Amma məşqçi dəyişikliyi barədə bir söz deyə bilmərəm. Komandanın öz rəhbərləri var və bu, onların qərarıdır.
_22.01.19.jpg)
PSJ Hakimi ilə razılaşdı
Qvardiolanın yeni müqaviləsinin detalları bəlli oldu
İtaliya A Seriyasında xüsusi transfer pəncərəsi
"Kəpəz"in daha bir futbolçusu əməliyyat olundu
"Qəbələ" növbəti yoxlama oyununu keçirdi
Endrik gedir, ya qalır?
İngiltərə nəhəngləri türkiyəli futbolçu ilə maraqlanırlar
Mourinyo Ronaldonu "Fənərbaxça"ya dəvət etdi
“Qarabağ”ın kapitanı “Lion”la oyunu buraxacaq
Messi Barselonaya niyə gedir?
Kapitan 1 ildə 5-ci dəfə zədələndi
PSJ güclü qar altında məşq etdi - Video
"Milan"da 5 illik müqavilə
