19.12.25
Futbol mütəxəssisi Yunis Hüseynov Qol.az saytına müsahibə verib. O, ötən gün keçirilən "Qarabağ" - "Qalatasaray" xeyriyyə oyunu (1:2) ilə əlaqədar sualları cavablandırıb.
- Yunis bəy, ümumilikdə oyun haqda təssüratlarınız necədir?
- Bu oyun çox möhtəşəm idi. Bilirsiniz ki, Azərbaycanda Türkiyənin bütün klublarının azarkeşləri var. Elə gördünüz ki, "Qalatasaray"ın nə qədər azarkeşi gəlmişdi. "Qarabağ" bizim hamımızın sevimli komandasıdır. Gözəl matç keçdi. Həqiqətən də millinin məğlubiyyətini heç olmasa, dünən bir az unutduq. Məzmunlu, yaxşı oyuna şahidlik etdik. Dünənki oyun haqqında çox xoş təssüratlarım var.
- Təbii ki, bu görüş xeyriyyə oyunu olması xüsusi bir anlam daşıyırdı...
- Razıyam. Bütün azarkeşlər oyundan həzz aldı. Bu matçın gəliri də zəlzələdən zərər çəkənlərə ayrıldı.
- Sizcə, gələcəkdə də belə yoxlama oyunlarını keçirmək olarmı?
- Mənə elə gəlir ki, bu cür oyunlar çox keçirilsə, daha yaxşı olar. Hər bir komandamız Türkiyənin tanınmış komandaları ilə oynasa. xoş olardı.
- Bəs, komandaların çıxışı baxımından oyun necə keçdi?
- Sırf oyuna baxanda "Qarabağ" "Qalatasaray"ı 3-4 top fərqi ilə udmalı idi. O qədər imkanları oldu ki... Əgər "Qarabağ" həmin şanslardan yararlansaydı, məcə, hesab çox fərqli olardı. "Qalatasaray"ın müdafiə xətti çox boşluqlar verirdi. Amma əfsuslar olsun ki, "Qarabağ"ın öndə oynayan futbolçuları bundan yararlana bilmədilər. "Qarabağ" dünən 100 faiz qalib gəlməli idi. "Qarabağ"ın qapısında o qədər də çox qol təhlükəsi yaranmamışdı.
- Amma "Qarabağ"ın gənc qapıçısı Amin Ramazanov baxımlı seyvlər etdi.
- Amin gənc qapıçıdır. Amma qapıçı seyv etməlidir də. 20 yaşı var. Avropada 20 yaşlı oyunçuları 10-15 milyona satırlar-alırlar.
- Lakin biz Azərbaycan reallığından danışırıq.
- (Gülür). Qapıçı seyv etməlidir də. Bəs, orada niyə dayanıb? Amin gəncdir, yaxşı boyu var, ayaqla yaxşı oynaya bilir. "Qalatasaray"a qarşı yaxşı çıxış etdi. Bu, təqdirəlayiqdir. Amma futbolu nəyə görə oynayırlar? Qapıya hər gələn topu buraxsın? (gülür) Aminin yaxşı gələcəyi var.
- "Qarabağ"ın milli komandalara yollanın 10 futbolçusu yerində olsaydı, matç necə nəticələnərdi?
- Əgər "Qarabağ" öz heyəti ilə oynasaydı, "Qalatasaray"ın bu heyətini sözsüz ki, üstələyərdi.
- Yeri gəlmişkən, siz özünüz də 1990-cı ildə "Neftçi"nin heyətində "Qalatasaray"a qarşı oynamısınız...
- Bəli (gülür). O oyun 2:2 hesabı ilə başa çatmışdı. 90+7-ci dəqiqəyə qədər biz 2:1 hesabı ilə öndə idik, hakim matçı yekunlaşdırmırdı. Axırda da qapımıza penalti təyin etdilər, hesab 2:2 oldu.
- Dünən "Qarabağ"ın qapısına təyin olunan penalti epizoduna görə narazı qalan azarkeşlər olub. Yoldaşlıq oyunu olsa da, sizcə, Əliyar Ağayev yanlış qərar verdi?
- Epizoda baxdım. Məncə, vəziyyət 50-50-yə idi. Deyim ki, 100 faiz penalti var idi, yox. Bilirsiniz nəyə görə? Çünki ayağa o qədər də toxunuş yox idi. Penalti verilməyə də bilərdi. Amma rəqib türk qardaşlarımızdır də (gülür). Bu, yoldaşlıq oyunudur. Rəsmi matç olsaydı, bəli, mübahisəli epizod olardı. Dərinə getmək lazım deyil (gülür). Arabir hədiyyə lazımdır.
Nur Zeynalova
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
