16:24
Futbol üzrə Azərbaycan milli komandasının sabiq baş məşqçisi Vaqif Sadıqov Rusiyanın “Anji” klubundan təklif alıb. Bunu Sadıqovun özü ilk dəfə Lent.az-a etiraf edib.
52 yaşlı mütəxəssisin sözlərinə görə, təklifi ona “Anji”nin hazırkı baş məşqçisi və yaxın münasibətdə olduğu Hacı Hacıyev ünvanlayıb. Hacıyev bu yaxınlarda köməkçi-məşqçi vəzifəsindən ayrılan Andrey Qusinin əvəzinə onu “Anji”yə gətirmək istəyir. Lakin Sadıqov hələ konkret qərar verməyib: “İlk növbədə, təklif hələ rəsmi səviyyədə gəlməyib. Yəni, Hacıyev “Anji”nin prezidenti səviyyəsində razılıq aldıqdan sonra mənimlə danışıqlara başlanılsa, buna rəsmi təklif demək olar. Digər tərəfdən, hazırda ailə problemləri ilə məşğulam”.
Hacı Hacıyev yanvarın 8-də Bakıda olub. Vaqif Sadıqovun sözlərinə görə, dağıstanlı mütəxəssis Birləşmiş Ərəb Əmirliklərinin Dubay şəhərində bir həftəlik istirahətini başa vurduqdan sonra yolüstü Azərbaycan paytaxtına baş çəkib. O, Sadıqovla birgə AFFA-nın baş katibi Elxan Məmmədovla görüşdükdən sonra Mahaçqalaya yollanıb.
Lakin həmyerlimiz bildirib ki, Hacıyevlə Bakıda olduğu vaxt təklif barədə söhbəti olmayıb: “Bunu etik cəhətdən doğru saymadım. Çünki Hacı Müslümoviç Bakıya bundan ötrü gəlməyib. O, sadəcə, mənimlə yaxın münasibətdə olduğu üçün görüşdük. AFFA-ya da birgə getdik. Bundan sonra Hacıyevi Mahaçqalaya yola saldım”.
Qeyd edək ki, Azərbaycan milli komandasının müdafiəçisi Mahir Şükürov “Anji”də çıxış edir.
"İmişli"nin hazırlıq planında dəyişiklik
“Sumqayıt”dan ayrılan futbolçu ölkəsinə qayıtdı
"Bavariya"nın futbolçusu La Liqa klubuna keçdi
Caka yenidən İngiltərədə oynayacaq
Rüstəm Əhmədzadənin yeni klubu açıqlandı
"Araz-Naxçıvan"dan ayrılan futbolçu "Səbail"də
"Karvan" "İmişli" ilə qarşılaşacaq
"Sumqayıt" legioneri ilə yolları ayırdı
"Hücumçu almaq istəyirik" - "Qarabağ"ın prezidenti
"Beşiktaş"ın futbolçusu "Dinamo"ya keçdi - Rəsmi
“Zirə” Sumanı “Malmö”yə neçəyə satıb? - Təfərrüat, açıqlama
Messi, Anri, İbrahimoviç...
"Hər yerim ağrıyır, 75 yaşım var" - Qvardiola
“Sabah” - “Petrokub” oyununa nə qədər bilet satılıb?
Elmar Baxşıyevin köməkçiləri ilə bağlı yeni qərar
"Anderlext"dən "Araz-Naxçıvan"a
"Kəpəz"də ayrılıq
"Zirə" Sumanı İsveç klubuna satdı - Rəsmi
"Qarabağ"ın rəqibi "Vest Hem"in futbolçusunu aldı
Qvardiola "Barselona"ya qayıdıb-qayıtmayacağı haqda
İlin azarkeş rekordu
